Maket Akusherlik 2013. pmd

60-rasm. 

Homiladorlikning

turli oylarida bachadon

tubining qanday balandlikda

turishi.

IX

X

VIII

VII

VI

V

IV

---

125

Akusherlar hisobidagi V oy (20 hafta) oxirida bachadon tubi

kindikdan ikki barmoq enicha pastda turadi; qorin devorining

do‘ppayganligi sezilib turadi.

Akusherlar hisobidagi VI oy (24 hafta) oxirida bachadon tubi

kindik ro‘parasida turadi.

Akusherlar hisobidagi VII oy (28 hafta) oxirida bachadon tubi

kindikdan 2–3 barmoq enicha yuqorida bo‘ladi.

Akusherlar hisobidagi VIII oy (32 hafta) oxirida bachadon

tubi to‘sh suyagining xanjarsimon o‘sig‘i bilan kindik o‘rtasida

turadi. Kindik tekislana boshlaydi. Kindik ro‘parasida qorin aylanasi

80–85 sm bo‘ladi.

Akusherlar hisobidagi IX oy (36 hafta) oxirida bachadon tubi

xanjarsimon o‘siq va qovurg‘alar ravog‘igacha ko‘tariladi. Bu homi-

lali bachadon tubining eng ko‘p ko‘tarilgan nuqtasidir. Qorin ay-

lanasi o‘rta hisob bilan 90 sm. Kindik tekislangan bo‘ladi.

Akusherlar hisobidagi X oy (40 hafta) oxirida bachadon tubi

to‘sh suyagining xanjarsimon o‘sig‘i bilan kindikning qoq o‘rtasida

turadi, ya’ni VIII oy oxirida qay balandlikda turgan bo‘lsa, o‘sha

balandlikka tushadi. Kindik do‘ppayib turadi. Qorin aylanasi 95–98

sm, homila boshi pastga tushib, birinchi marta homilador bo‘lgan

ayollarda chanoq kirish qismiga taqaladi yoki chanoq kirish qismida

kichik segmenti bilan turadi.

Homiladorlikning VIII va X oylarida bachadon tubi bir sathda

tursa ham, qorin aylanasi (VIII oyda 80–85 sm, X oyda 95–98

sm), homila boshining vaziyati (VIII oyda kichik chanoq kirish

qismidan yuqorida «liqillab» turadi, X oyda pastga tushadi, birinchi

marta homilador bo‘lgan ayollarda chanoq kirish qismiga kirib

qimirlamay turadi), kindik holati (VIII oyda tekislanadi, X oyda

do‘ppayib turadi) farq qiladi.

X oy oxirida homilador ayollar qorni osilib ketganligini, nafas

olishi osonlashganligini qayd qiladilar.

Homiladorlik muddatini aniqlash uchun bachadon tubining

qovdan qancha balandda ekanligini bilish va qorin hajmini o‘lchash

bir qadar ahamiyatli. Bachadon tubining qovdan qancha balandda

ekanligi santimetrli lenta yoki tazomer bilan o‘lchanadi. Ayol

chalqancha yotib, oyoqlarini to‘g‘ri uzatadi, tekshirishdan oldin

qovug‘i bo‘shatilgan bo‘ladi. Simfizning yuqori chekkasi bilan

bachadon tubi o‘rtasidagi masofa o‘lchanadi.

---

126

Bachadon tubining qovdan balandligi homiladorlikning bir

xil muddatida o‘lchanganda turli ayollarda 2—4 sm farq qilishi

mumkin; shu sababli homiladorlik muddatini aniqlashda bacha-

don tubining balandligi haqidagi ma’lumotlar nisbiy ahamiyatga

egadir.

Homiladorlikning ikkinchi yarmida qorin aylanasi santimetrli

lenta bilan o‘lchanadi, lenta oldingi tomondan kindik ro‘parasiga,

opqa tomondan esa bel sohasining o‘rtasiga qo‘yiladi.