Maket Akusherlik 2013. pmd

Homiladorlikning ehtimolga yaqin belgilari. 

Jinsiy a’zolar va

hayz ko‘rish funksiyasidagi o‘zgarishlar ehtimolga yaqin belgilarga

kiradi.

1. Hayz ko‘rishning to‘xtashi. Og‘ir kasalliklar va ruhiy kechin-

malar (qo‘rqish, qayg‘urish, g‘am-g‘ussa va hokazo) da hayz

ko‘rish to‘xtab qolishi mumkin. Sog‘lom juvon odatda bo‘yida bo‘lsa

hayz ko‘rish to‘xtaydi.

2. Qin va bachadon bo‘yni shilliq pardasining ko‘karganligi

(sianoz).

3. Bachadon kattaligi, shakli va konsistensiyasining o‘zgarishi.

4. Sut bezlari siqilganda sut yo‘llaridan og‘iz suti tomchilarining

chiqishi.

---

111

Homiladorlikning ehtimolga yaqin belgilarini aniqlamoq uchun:

a) tashqi jinsiy a’zolar va qin kirish qismining shilliq pardasi

ko‘zdan kechiriladi, b) ko‘zgular yordamida tekshiriladi, d) ayol

qin orqali va ikki qo‘llab tekshiriladi, e) sut bezlari paypaslanadi

va ularni siqib, og‘iz suti tomchilari bor-yo‘qligi aniqlanadi.

Homilador ayolni ginekologik kresloga yoki kushetkaga yotqizib

tekshiriladi; ayol kushetkada chalqancha yotadi, oyoqlarini chanoq-

son va tizza bo‘g‘imlaridan bukib, kerib turadi; dumg‘azasi ostiga

valik qo‘yiladi.

Ayolni tekshirishdan oldin qo‘lni aseptika va antiseptika qoi-

dalariga amal qilgan holda zararsizlantiriladi. Steril rezina qo‘lqop

bilan tekshirish ma’qul. Ayolning tashqi jinsiy a’zolari kaliy per-

manganat (1:6000) yoki boshqa biror dezinfeksiyalovchi modda-

ning kuchsiz eritmasi bilan yuvilib, steril paxtada quritiladi. Katta

va kichik jinsiy lablar chap qo‘lning ishora barmog‘i va bosh

barmog‘i bilan kerilib, vulva, qin kirish qismining shilliq pardasi,

uretraning tashqi teshigi, Bartolin bezlarining chiqarish yo‘llari va

oraliq ko‘zdan kechiriladi.