Maket Akusherlik 2013. pmd

Sun’iy yorug‘lik manbalari bilan davolash

Davolash maqsadida sun’iy yorug‘lik manbalaridan: infraqizil

nur sochuvchi asboblar, Minin reflektori, solluks lampasi; ultra-

binafsha nur sochuvchi asboblar, kvars lampasidan foydalaniladi.

Minin reflektori elektr yorug‘ligi bilan davolash uchun ishlati-

ladigan eng oddiy asbob hisoblanadi. Davolash 10—15 kun davom

etib, har kuni 20 minutdan 60 minutgacha yorug‘lik beriladi.

Elektr vannalar chanoq a’zolarining normal temperatura bilan

davom etadigan har xil yallig‘lanish jarayonlarida qo‘llaniladi va

ayniqsa, parametritlarda (chanoq kletchatkasi yallig‘langanda)

yaxshi ta’sir ko‘rsatadi. Seans 5 minutdan 30 minutgacha davom

etadi. Hammasi bo‘lib 10—20 seans buyuriladi.

Yurak poroklari, miokardit, buyraklarning og‘ir kasalliklari,

chanoq va organizmning boshqa qismlaridagi o‘tkir yoki zo‘riqqan

yallig‘lanish jarayonlari elektr vannalardan foydalanishga monelik

qiladi.

Solluks lampasi, asosan, infraqizil nurlarni sochadigan 200

Vattli katta elektr lampadan iborat.

Ginekologiyada ayollar jinsiy a’zolarining yarimo‘tkir va su-

runkali yallig‘lanish jarayonlariga davo qilish uchun solluks lam-

pasi keng qo‘llaniladi. Bu lampa ta’sirida infiltrat shimilib ketadi va

og‘riq bosiladi. Qizil nurdan foydalanish mahalliy giðeremiya va

leykotsitozga sabab bo‘lib, yaxshi natija beradi.

Simob-kvars lampasi, asosan, ultrabinafsha nur sochadi.

Ginekologiya amaliyotida butun badanni, shuningdek, uning ayrim

joylarini yoritish uchun kvars lampasidan foydalaniladi.