Maket Akusherlik 2013. pmd

Texnikasi. 

Tug‘uvchi ayol ko‘ndalang krovatga yotqiziladi,

qovug‘i bo‘shatiladi. Tashqi jinsiy organlar akusherlik operatsiyalari

uchun qabul qilingan qoidalarga muvofiq tozalanadi. Qo‘l sinchik-

lab yuviladi va dezinfeksiya qilinadi, qo‘l panjasiga steril vazelin

moyi ko‘plab surtiladi. Operatsiya efir narkozi bilan qilinadi; aku-

sher vrach bo‘lmaganda, yordam berishga majbur bo‘lgandagina

bu operatsiyani qilishga yo‘l qo‘yiladi.

Jinsiy yoriq chap qo‘lda keriladi, konus shaklida yig‘ilgan o‘ng

qo‘l («akusher qo‘li») qinga, so‘ngra bachadonga suqiladi. Qo‘l

qindan o‘tayotganda orqa (dorzal) yuzasi dumg‘azaga qaragan

bo‘ladi. O‘ng qo‘l bachadon bo‘ynining teshigiga, suqilayotgan

paytda chap qo‘l bachadon tubiga ko‘chiriladi.

Bachadon bo‘yni teshigining shishgan chekkasini platsenta chek-

kasi deb o‘ylab yanglishmaslik uchun qo‘l kindik bo‘ylab kiritiladi.

Kindik bo‘ylab kiritilayotgan qo‘l platsentaga yetgach, uning chek-

kasini topish kerak (platsenta ko‘chgan bo‘lishi mumkin). So‘ngra

qo‘l platsenta bilan bachadon devori orasiga kiritilib, qo‘lning arra-

lagansimon harakatlari yordamida butun platsenta sekin-asta ko‘-

chiriladi; shu payt tashqaridagi qo‘l bachadon tubiga avaylab bosib,

ichkaridagi qo‘lga yordam berib turadi (133-rasm). Platsenta ko‘-

chirilgach, bachadonning pastki segmentiga keltiriladi va chap qo‘lda

kindikdan ushlab tortib olinadi. Bachadonda qolgan o‘ng qo‘l esa

---

277

platsenta zarralarining ushlanib qolish ehtimo-

lini to‘la-to‘kis bartaraf qilish uchun bacha-

donning ichki yuzasini yana bir marta sin-

chiklab tekshiradi. Yo‘ldosh to‘la ko‘chirilgach,

bachadon devorlari silliq, faqat platsentar may-

doncha qisman g‘adir-budur bo‘ladi, chunki

unda desidual parda parchalari qolishi mumkin.

Bachadon devorlari nazorat maqsadida

tekshirilgach, bachadon ichiga yod surtib,

qo‘l bachadon bo‘shlig‘idan chiqarib olinadi.

Tug‘uvchi ayolning terisi ostiga 1 ml ergotin,

1 ml pituitrin yuboriladi, qorinning pastiga

muzli xalta qo‘yiladi; anemiya bo‘lsa, qon, plazma yoki qon

o‘rnini bosuvchi suyuqliklar quyiladi. Qon ketishi davom etaversa,

qon oqishini to‘xtatish uchun navbatdagi choralar ko‘riladi.

Platsenta qo‘lda ko‘chirilguncha chilladagi infeksiya avj olishiga

moyil bo‘ladigan ko‘ngilsiz hodisalar qayd qilingan (tug‘ruq

cho‘zilib ketgan, suvsiz davr uzoq davom etgan, tug‘ruqda en-

dometrit belgilari paydo bo‘lgan va hokazo) bo‘lsa, tuqqan ayolga

2–3 kun mobaynida sutkasiga 4–5 mahal 1 g dan norsulfazol yoki

boshqa sulfanilamid preparatlar ichirish tavsiya etiladi, Muskul

orasiga 2–3 kun mobaynida har 3 soatda 50000–100000 birlikdan

penitsillin yoki boshqa antibiotiklar yuborish mumkin.

Platsentani yoki uning bachadonda qolgan qismlarini qo‘lda

ko‘chirish aksari qiyin bo‘lmaydi. Platsenta chinakamiga yopishib

qolganda vorsinkalar bachadon devoriga o‘sib kirganligi uchun uni

qo‘lda ko‘chirib bo‘lmaydi. Bunday hollarda platsentani zo‘rlik bilan

ko‘chirish oqibatida bachadon teshilib, ayol halok bo‘lishi mumkin.

Platsenta chinakamiga yopishib qolganda bachadonni olib tashlashga

to‘g‘ri keladi. Shu sababli bunday hollarda mustaqil ishlayotgan

akusher bachadonni tamponlab, tezlik bilan vrach chaqiradi yoki

tug‘uvchi ayolni tug‘ruqxonaga olib boradi.