Maket Akusherlik 2013. pmd

Platsenta oldinda yotganda davo qilish.

 Homiladorlikning ik-

kinchi yarmida qon ketishi homilador ayolni kechiktirmasdan

albatta kasalxonaga yotqizish uchun ko‘rsatma hisoblanadi. Hatto

juda oz qon ketib, to‘xtab qolganda ham, homilador ayolga

akusher qo‘shib, kasalxonaga jo‘natish kerak, qon ketishi ista-

gan paytda boshlanib, tahlikali tus olishi mumkin. Davo usulini

tanlashda qon kelishining shiddati va kamqonlik darajasi, ope-

ratsiya qilib homilani olishga tug‘ruq yo‘llarining tayyorlangan-

ligi, homilaning yetilganlik darajasi va homilaning ahvoli, tirik-

ligi, asfiksiya va hokazolar hisobga olinadi. Ko‘rsatilgan belgilarga

qarab ba’zi ayollar esa darhol operatsiya (hatto kesar kesish) qili-

nadi.

Homiladorlik vaqtida ozgina qon ketib, ayolni aytarli kamqon

qilib qo‘ymaganda konservativ davo qilinadi. Bunday holda ayol

---

247

qat’iyan yotqizib qo‘yiladi, qon oz-ozdan takror quyib turiladi,

vitaminlarga boy ovqat buyuriladi. Homilador ayolning ahvoliga,

jinsiy yo‘llaridan kelayotgan chiqindiga, puls, arterial bosimiga

e’tibor bilan qarab turiladi, chiqindi ko‘p ketmasa-da, uzoq vaqt

qon aralash kelganda ko‘pincha kamqonlik kuchayadi, bunga yo‘l

qo‘ymaslik uchun muntazam ravishda tekshirib turiladi.

Qonli chiqindi kelishi davom etaversa va gemoglobin (Gb),

eritrotsitlar kamayaversa, operatsiya qilib homila olinadi. Qon ko‘p

ketsa darhol (o‘lim xavfi tug‘ilganda) operatsiya qilib tug‘ruq tugal-

lanadi. Qon oqish kuchiga, ayolning

sog‘lig‘iga, platsentaning oldinda yotishi

turiga va shu kabilarga qarab, quyidagi

operatsiyalardan biri bajariladi.