Махсус таълим вазирлиги

3.2.2. Компьютер ва офис курмаларига хизмат курсатиш мутухассиси квалификацияси бўйича:
Иш берувчининг талабларини инобатга олган ҳолда шахсий компьютерларни йиғиш, компьютер таркибий қисмининг диагностикасини ва иш фаолиятини назорат қилишни, блокларни/модулларни/элементларни алмаштириш даражасида таъмирлаш ва уни таъмирлашдан кейин бошқариш ускуналарини амалга ошириш;
Компьютер ускуналарига техник ва дастурий таъминотни амалга ошириш, турли хил офис ускуналарини ўрнатиш ва созлаш;
Турли хил ускуналарнинг ишлашидаги носозликларни аниқлаш ва бартараф этиш, видеокузатув тизимларини ўрнатиш ва созлаш.

4. Таълим дастурини ўзлаштирган битирувчининг умумий ва касбий компетенцияларига қўйиладиган талаблар:
4.1. Дастурий инжиниринг мутахассиси битирувчилари умумий компетенциясига қўйиладиган талаблар:
ПТМ битирувчиси қуйидаги умумий компетенцияларга эга бўлиши керак:
УК-1. Касбий фаолиятда ахборот-коммуникация технологияларидан фойдаланиш.
УК-2. Жамоада ва маълум вазифани бажаришга йўналтирилган гуруҳда ишлаш, ҳамкасблар, раҳбарлар ва мижозлар билан самимий, хушмуомала ва самарали мулоқот қилиш.
УК-3. Жамоа аъзолари (бўйсунувчилар) иши учун, топшириқларни бажариш натижаси учун жавобгарликни ўз зиммасига олиш;
УК-4. Касбий ва шахсий ривожланиш вазифаларини мустақил равишда белгилаш. Ўз-ўзини тарбиялаш билан шуғулланиш, касбли ривожланишни онгли равишда режалаштириш;
УК-5. Касбий фаолиятда технологиянинг тезҳтез ўзгариб туриши шароитида ҳаракат қилиш;
УК-6. Атроф муҳитни мухофаза қилиш, ресурсларни тежашга ёрдам бериш, фавқулодда вазиятларда самарали ҳаракат қилиш;
УК-7. Давлат ва чет тилларида касбий хужжатлардан фойдаланиш.
УК-8. Касбий соҳада тадбиркорлик фаолиятини режалаштириш;
УК-9. Касбий фаолиятда хавфсизлик техникаси ва меҳнат муҳофазаси қоидаларига амал қилиш кўникмаларига эга бўлиш.

4.2. Компьютер инжиниринг мутахассиси таълим дастурини ўзлаштирган битирувчи қуйидаги касбий компетенцияларга эга бўлиши керак.