Махсус таълим вазирлиги

Қўлланилиш соҳаси

Мазкур малака талаби Ўзбекистон Республикасида 5.52.01.01- Компьютер инжиниринг мутахассиси бўйича кадрлар тайёрлашнинг зарурий билимлар мазмуни ва касбий компетенциясига қўйиладиган талабларни ва пировард мақсадларини, шунингдек таълим олувчиларнинг ўқув юкламалари ҳажми ва стандарт талабларини бажарилиши назоратини белгилайди.
Малака талаби таълим олувчиларнинг касбий тайёргарлиги сифати ва касбий компетенциясини баҳолашда ҳамда таълим муассасаларини аттестациядан ўтказишда асосий мезон ҳисобланади. Мазкур талабларнинг бажарилиши профессионал таълим муассасаларининг битирувчиларига профессионал таълимнинг тегишли даражасини олганлиги тўғрисида давлат намунасидаги ҳужжат берилиши учун асос ҳисобланади.

2. 
   Касбий таълим хусусияти
   

5.52.01.01 - Компьютер инжиниринг мутахассиси доирасида бериладиган квалификациялар:

1.Компьютер тармоклари мутахассис.

2.Компьютер ва офис курилмаларига хизмат курсатиш мутухассиси.
Умумтаълим муассасаларининг 11-синф битирувчилари ҳисобидан шакллантирилган гуруҳларда 2 йиллик.
Камида умумий ўрта маълумотга эга бўлган шахслар ҳисобидан шакллантирилган гуруҳларда танланган квалификациялар сонидан келиб чиқиб ўқиш муддати белгиланади. Бу гуруҳларда касб доирасида бериладиган квалификациялардан бирортасини муваффаққиятли ўзлаштирган шахсларга белгиланган намунадаги диплом берилади ва меҳнат бозорида ишлаш ҳуқуқи берилади. Эгалланмаган квалификацияларни қайта ўзлаштиришга рухсат берилади ва мазкур квалификацияни муваффақиятли ўзлаштирганларга белгиланган тартибда сертификат берилади.
2.2. Руҳий-физиологик фазилатлар минимуми: кузатувчанлик, диққатни бир жой қаратиш, фикрни жамлаш, қўл-оёқ ҳаракатини жараёнга мослаштириш, ҳар томонлама тез фикрлаш ва фараз қилиш, ёруғликни сезиш, фаол ва тез хотирлаш, ҳаракат хотираси ва мослашувчанлик.
2.3. Таълимни давом эттириш имкониятлари.
Компьютер инжиниринг мутахассиси битирувчиси кейинчалик касбий таълимини чуқурлаштириш мақсадида:

• 
  кадрлар малакасини ошириш тизимида, тармоқ ўқув муассасаларида ва махсус курсларида малакани ошириши;
  
• 
  касбий фаолиятнинг тегишли соҳасида янада юқорироқ малакага эриш мақсадида олий таълим муассасасида ўқишни давом эттириши мумкин.