Махсус таълим вазирлиги

Фойдаланишга қабул қилинган асосий воситаларни
ҳисобга олиш
Асосий воситаларни қабул қилиш-топшириш далолатномаси 
тасдиқлангандан сўнг хўжалик юритувчи субъект бухгалтериясига 

---

125 
берилади, шу далолатнома асосида ҳар бир объектга инвентарь 
варақаси очилади. 
Тегишли шартномалар асосида хўжалик юритувчи субъект 
мутахассислари ва четдан жалб этилган мутахассислар кучи билан 
барпо этилган асосий воситалар объектлари 0810-«Тугалланмаган қу-
рилиш» счѐти варағининг кредити билан корреспонденцияда 0110-
0190-счѐтлар дебети бўйича ҳақиқий таннархига қараб, асосий во-
ситалар сифатида кирим қилинади. 
Қурилиш тугаллангунига қадар бино 0120-«Бинолар, иншоотлар 
ва узатувчи мосламалар» ҳисобварағида ҳисобга олинмайди, чунки у 
ҳали фойдаланишга топширилмаган. Қурилиш тугалланганидан ке-
йин ва фойдаланишга топширилганида 0810-счѐтда жамланган барча 
харажатлар суммаси 0120-«Бинолар, иншоотлар ва узатувчи мос-
ламалар» ҳисобварағига ўтказилади ҳамда кейинги ойдан бошлаб 
ундан амортизация ҳисобланиши лозим. 
Мисол. «Орзу» ҳиссадорлик жамияти цех биносини ўз кучи 
билан қуриб, фойдаланишга топширди. Қурилишга харажатланган 
жами харажат 20000000 сўмни ташкил қилди. Ушбу муомалага 
ҳисобда қуйидагича проводка берилади: 
Д-т 0120-«Бинолар, иншоотлар ва узатувчи мосламалар» - 
20000000 сўм
К-т 0820-«Тугалланмаган қурилиш» - 20000000 сўм. 
Бошқа хўжалик субъекти ва шахслардан сотиб олинган асосий 
воситаларни 0820-«Асосий воситаларни сотиб олиш», 0840-«Асосий 
подани шакллантириш», 0890-«Бошқа капитал қўйилмалар» счѐтла-
рининг кредити билан корреспонденцияда 0110-0190-счѐтлар дебети 
бўйича кирим қилинади. 
Мисол. «Машъал» масъулияти чекланган жамият янги ишлаб 
чиқариш фаолияти учун бино сотиб олди, унинг харид қиймати - 
2000000 сўм, брокер хизмати учун 20000 сўм ҳамда юрист хизматига 
15000 сўм тўлаган, ҳужжатларни расмийлаштиришга 25000 сўм 
харажат қилинган. Ушбу муомалага ҳисобда қуйидагича проводка 
берилади: 
- бино харид қилинди: 
Д-т 0820-«Асосий воситаларни сотиб олиш» - 2060000 с
К-т 5110-«Пул маблағлари» - 2060000 с. 
- бино балансга қабул қилинди: 

---

126 
Д-т 0120-«Бинолар, иншоотлар ва узатувчи мосламалар» -
2060000 с 
К-т 0820-«Асосий воситаларни сотиб олиш» - 2060000 с 
Фойдаланишга қабул қилинган асосий воситалар бўйича 
қўшилган қиймат солиғи (ҚҚС) уларнинг дастлабки қийматини кў-
пайтиради ҳамда эскириш қийматини оширган ҳолда, хўжалик 
юритувчи субъект харажатларига секин-аста ўтказилади. 
Бошқа хўжалик юритувчи субъект ѐки жисмоний шахслардан 
текинга, шунингдек, ҳукумат органларининг субсидияси сифатида 
олинган асосий воситалар 8530-«Текинга олинган мол-мулк» ҳисоб-
варағи билан корреспонденцияда 0110-0190-счѐтлар дебети бўйича 
кирим қилинган санада эксперт йўли билан, бозор қиймати бўйича 
белгиланган баҳода акс эттирилади. 
Мисол. Транспорт воситаси бепул олинди. Ушбу муомалага 
ҳисобда қуйидагича проводка берилади: 
Д-т 0160-«Транспорт воситалари»; 
К-т 8530-«Текинга олинган мол-мулк». 
Амалдаги солиқ қонунчилигига мувофиқ, бепул олинган асосий 
воситаларнинг қолдиқ қиймати (идора ичида бериладиганидан таш-
қари) фойда (даромад) солиғини ҳисоблаш базасига киритилади ва 
ундан солиқ ундирилади. Таъсисчилар устав капиталига улуш 
сифатида киритган ѐки акциялар ҳақини тўлаш ҳисобига берган 
асосий воситаларни кирим қилиш 4610-«Муассисларнинг устав 
капиталига улушлар бўйича қарзлари» ҳисобварағи кредити ҳамда 
0110-0190-счѐтлар дебетида акс эттирилади. 
Мисол. Компаниянинг муассисларидан бири устав капиталини 
шакллантириш бўйича қарзини транспорт воситасини қўшиш йўли 
билан узди. Қиймати - 2000000 сўм. Ушбу муомалага ҳисобда 
қуйидагича проводка берилади:
Д-т 0160-«Транспорт воситалари» - 2000000 сўм
К-т 4610-«Муассислар қарзлари» - 2000000 сўм. 
Маҳсулот ишлаб чиқариш, ишларни бажариш ѐки хизмат 
кўрсатиш ѐхуд ташкилотни бошқариш учун фойдаланилмаѐтган 
асосий воситалар объектларининг қиймати бухгалтерия балансидан 
ҳисобдан чиқарилиши керак. 

---

127