Махсус таълим вазирлиги тошкент давлат иқтисодиёт университети

- корхонадан амалиётга раҳбарлар билан биргаликда ҳар бир талабага амалиёт базасининг ўзига хослигини ҳисобга олган ҳолда вазифа бериш;
- талабаларнинг ишларини ва малакавий амалиёти режасини тўлиқ бажарилишини назорат қилиш;
- амалиёт даврида берилган вазифаларни бажариш бўйича талабаларга маслаҳатлар бериш.
Алоҳида бўлимларда малакавий амалиётга раҳбарлик қилиш ушбу бўлимларнинг мутахассисликлари томонидан амалга оширилади.
Корхонадан амалиёт раҳбарига қуйидаги мажбуриятлар юкланади:
- талабани иш жойи ва малакали раҳбар билан таъминлаш;
- талабага корхонанинг хусусиятларидан келиб чиққан ҳолда, иш юзасидан зарурий маслахатлар ва йўриқномалар бериш;
- техника хавфсизлиги буйича йўл-йўриқлар кўрсатиш;
- амалиётчи – талабалар томонидан ички тартиб қоидаларига қатъий риоя қилинишини таъминлаш.
Талабанинг малакавий амалиётини ташкил қилиш ва ўташ бўйича календар режаси, амалиёт базасининг хусусиятларидан келиб чиққан ҳолда тузилиши керак. Бунда корхона, ташкилотнинг барча иқтисодий бўлимларининг фаолияти билан яқиндан танишиб чиқилиши лозим. Шу билан бирга талаба корхонада мавжуд бўлган ахборотларни қайта ишлаш тизими ва унинг таркибига кирувчи масалалар мажмуини батафсил тахлил қилиб, ўрганиб чиқиши керак.


3. Амалиёт мобайнида талабанинг хуқуқлари ва мажбуриятлари

Малакавий амалиёт мобайнида талабалар қуйидаги хуқуқлар ва мажбуриятларга эга:

• 
  амалиёт объектини ихтиёрий равишда танлаш;
  
• 
  амалиёт объектига белгиланган вақтда етиб келиш ва тасдиқланган режа асосида амалий ишини бошлаш;
  
• 
  амалиёт объектида берилган мавзуси бўйича маълумотлар йиғиш, таҳлил қилиш ва улардан фойдаланиш;
  
• 
  малакавий амалиёт ҳисоботини тайёрлаш, амалиёт объектига баҳо бериш ва иқтисодий ҳисоботларни таҳлил қила олиш.
  

Амалий ишни бошлашдан олдин талаба назарий фанларни ўзлаштириши керак, улар малакавий амалиёт бошланганига қадар ўқитилади. Талаба ахборотларни йиғиш, узатиш ва ишлаб чиқиш технологиясини танлаш, иқтисодий ахборотларни қайта ишлаб чиқиш учун техник ва дастурий воситаларни қўллаш бўйича кўникмаларга эга бўлиши зарур.
Иқтидорли талабаларга якка тартибдаги вазифалар берилиши мумкин.
Ҳар куни талаба амалиёт кундалигини тўлдириб бориши керак, унда кун бўйи бажарилган топшириқларнинг вақти ва мазмуни кўрсатилади. Кундалик ташкилотдан амалиёт раҳбари томонидан тасдиқланади. У ташкилий, меҳнат ва технологик амалиётни ўтиш жадвалини ҳақиқатдан бажарилганлигини тасдиқлайди.
Талабалар амалиётга келмаганликлари учун тўлиқ жавобгарликка эгалар.
Ички тартиб қоидаларини бузган талабаларга ташкилот раҳбарлари жазолар қўллашлари мумкин, улар бу ҳақида университет рахбариятига ҳабар беришлари шарт.