Махсус таълим вазирлиги тошкент давлат иқтисодиёт университети

1. Умумий қоидалар
1.1. Малакавий амалиёт мақсади ва вазифалари

Талабалар малакавий амалиёти бакалаврларни тайёрлашда Давлат таълим стандартига, хусусан ўқув режага мувофиқ тарзда ташкил этилади ва у таълим жараёнининг бевосита ишлаб чиқариш шароитида амалга ошириладиган таркибий қисми ҳамда давоми ҳисобланади.

Малакавий амалиётнинг асосий мақсади, – бевосита таълим стандарти талабларига мувофиқ талабанинг ўзлаштирилган назарий билимларини чуқурлаштириш ва мустахкамлаш, корхонанинг бошқарув тизими ва ахборот оқимларини тахлил килиш, корхона ва ташкилотларнинг ахборот тизимларини ва функционал масалаларини ўрганиш, жамоада ташкилотчилик ва тарбиявий ишлар олиб бориш бўйича тажриба ҳосил қилиш ҳисобланади.
Малакавий амалиётни ўташ мобайнида талабалар корхона ва ташкилотлар фаолияти билан яқиндан танишадилар, уларнинг бошқарув тизимларидаги ахборот оқимларини ўрганадилар ҳамда таҳлил қиладилар. Шу билан бирга, малакавий амалиётини ўташ даврида талабалар иқтисодиётни компьютерлаштириш жараёнларини, автоматлаштирилган иқтисодий ахборот тизимларининг замонавий ҳолатини чуқурроқ ўрганишлари лозим.
Малакавий амалиётдан кутиладиган натижа ҳамда унинг асосий вазифалари қуйидагилардан иборат:

• 
  амалиёт объектини бошқарув тизимида ахборот тизимининг тузилиш тамойиллари ва ечиладиган масалалар мажмуи билан танишиш;
  
• 
  амалиёт объектида ахборот оқимларини тахлил килиш;
  
• 
  амалиёт объектида ахборотларни қайта ишлаш мавжуд бўлган технологиясини ўрганиш.
  

1.2. Малакавий амалиётнинг мазмуни

Малакавий амалиётининг мазмуни замонавий ахборот –коммуникация технологиялари шароитида мустақил ишлаш бўйича тажрибасини эгаллаш зарурияти билан белгиланади.

Малакавий амалиёт алоҳида ишлаб чиқилган амалиёт дастурлари асосида таълим муассасаларида, замонавий корхоналар, ташкилотлар, “Ахборот технологиялари” марказлари ва илмий текширув институтларида ўтказилади.
Малакавий амалиёт кафедрада белгиланган амалиёт раҳбари томонидан ишлаб чиқилган, кафедра мудири тасдиқлаган календар иш режаси асосида амалга оширилади. Амалиёт рахбари ҳар бир амалиётга чиқувчи талабага ва у бораётган амалиёт объектига индивидуал ёндашиши зарур. Шунингдек, “Талабанинг календар иш режаси” аниқ, мақсадли ва натижага йўналтирилган бўлиши лозим.
Малакавий амалиётини режалаштиришнинг намунавий мазмуни 1 - жадвалда берилган.
1 - жадвал.

№