Махсус таълим вазирлиги тошкент давлат иқтисодиёт университети

Концерн – ишлаб чиқариш диверсификацияси асосида тартиб
топадиган йирик, кўп тармоқли корпорация. 
Кичик бизнес – бозор иқтисодиёти ривожланган капиталистик
мамлакатларда ўзига мустақил майда корхоналарнинг даромад
кўзловчи сохибкорлик фаолияти. 
Кўп укладли иқтисод – турли мулк шакллари ва хар-хил хўжалик
турларининг яхлитлигидан ташкил топган иқтисодиёт. 

---

111
 МАВЗУГА ДОИР АМАЛИЙ МАШҚЛАР: 
 Муаммо ҳаммага маълум усуллар орқали ечилиши мумкин деб 
ўйлама!
1–мисол. Қуйида санаб ўтилган тузилмалардан қайсиларини 
ташкилот сифатида таснифлаш мумкинлигини кўрсатинг: 
а) талабалар гуруҳи; 
б) олий ўқув юрти; 
в) йўл ҳаракати қоидалари; 
г) оила; 
д) Марказий банк; 
е) маркетинг компанияси; 
Жавоб: б), г), д), ва е), таърифига кўра, ташкилотлар – бу уларда 
ҳукмини ўтказиш муносабатлари элементи иштирок этадиган ва 
инсонларнинг чекланган доираси ичидаги ўзаро ҳамкорликни тартибга 
солувчи тузилмалардир. Талабалар гуруҳида, ўзаро ҳамкорликларнинг локал 
хусусиятига қарамасдан, ҳукмини ўтказиш муносабатлари мавжуд эмас. Йўл 
ҳаракати қоидалари эса, агар улар бажарилмаса, анча қаттиқ нормалар ва 
меъёрларни қўллайди. 
2–мисол. “Гулзор” шаҳрида янги олий ўқув юрти пайдо бўлди. 
Минтақавий меҳнат бозорининг ОЎЮ тайёрлашни назарда тутаётган 
кадрларга бўлган юқори даражадаги эҳтиёжини, шунингдек, минтақавий 
ҳокимиятларнинг ва қатор халқаро ташкилотларнинг қўллаб-қувватлашини 
ҳисобга олган ҳолда, унга қабул ва мутахассисликлар номенклатураси ҳар 
йили ортиб боради. Сиз янги ОЎЮда талабаларнинг асосий қисми бепул 
ўқишини ҳисобга олиб, унинг ректорига қанақа ташкилий тузилмани таклиф 
қилган бўлардингиз? 
а) кенг эркинликка эга бўлган, шу жумладан молиявий масалаларда 
мустақил бўлган факультетларга бўлиниш; 
б) молиявий мустақилликка эга бўлмаган факультетларга бўлиниш; 
в) факультетларни ташкил этмаган ҳолда: барча муҳим жорий ва 
истиқболли масалаларни ректорат ҳал этади; 
г) турли даражадаги эркинликларга эга бўлган факультетларга 
бўлиниш.