Махсус таълим вазирлиги мирзо улуғбек номидаги

Тиббиёт – генетика маслаҳати. 
Ўзбекистон Республикасининг 
келажаги ўсиб келаётган ёш авлод қўлидадир. Мамлакат равнақи, уни 
бошқариш, ривожлантириш фарзандларимиз қўлида экан, уларни ақл-
заковатли, жисмонан соғлом, ҳар томонлама баркамол қилиб тарбиялаш 
ҳозирги замон авлод вакилларининг асосий вазифасидир. Президентимиз 
И.А.Каримовнинг саъй-ҳаракатлари ҳам мана шу олижаноб мақсад сари 
йўналтирилгандир. 
Аччиқ ҳақиқат бўлса ҳам шуни тан олиш керакки, ҳамма оилалар 
ҳам фарзандли эмаслар. Дунёда қайд этилган никоҳларнинг 10%-и наслсиз. 
Яна 20% оила спонтан (табиий) абортлар ва бола ташлаш туфайли 
фарзандларга эга эмас. Фарзандсиз бўлишликда ҳам эркак, ҳам аёлнинг 
иштироки тенг, аммо улар наслсизлигининг сабаблари ҳар хил. Ҳозирги 
вақтда эркак ёки аёлнинг наслсиз бўлишлигига олиб келувчи ўнлаб ирсий 
касалликлар тасвирланган. 
Шу нуқтаи назардан оладиган бўлсак, тиббиёт генетикаси олдида яна 
бир муҳим масала – оила қурмоқчи бўлганларга улар оиласида ирсий ёки 
туғма ногирон фарзандларнинг бўлиш ёки бўлмаслигини олдиндан 
билишга ёрдам берувчи генетик маслаҳат бериш вазифаси туради. Тиббиёт 
– генетика маслаҳати генетик - шифокор томонидан кўрсатиладиган 
ихтисосли тиббий ёрдам бўлиб, у махсус тиббий муассаса бўлмиш тиббиёт 
- генетика маслаҳатхонасида амалга оширилади. Бу муассасанинг асосий 
вазифаси ирсий касалликка нисбатан нотинч бўлган оилаларда ирсий 
патологиянинг намоён бўлиш эҳтимоллигини аниқлаш ва шу асосда 
профилактика – ирсий касал бола туғилишининг олдини олиш чораларини 
амалга оширишдан иборатдир. Шунингдек, маслаҳатхонага келганларга 
ирсий хатарлик мазмуни ва уларга фарзанд кўриш мумкин ёки мумкин 
эмаслиги ҳам тушунтирилади. Лекин бола кўриш ҳақида аниқ бир хулосага 
келиш оила аъзоларининг шахсий иши деб ҳисобланади. 
Шундай қилиб, инсоннинг биологик тақдири (ирсий касалликларни 
енгиш, умрни узайтириш), худди ижтимоий тақдири сингари унинг ўз 
қўлидадир. 

---

487