Махсус таълим вазирлиги мирзо улуғбек номидаги

Ирсият хромосома назариясининг яратилиши
генетика тарихида 
алоҳида ўрин тутади. Бу назариянинг яратилишига америка олими 
Т.Морган ва унинг шогирдлари – А.Стёртевант, К.Бриджес, Г.Мёллерлар 
катта ҳисса қўшдилар. Бу олимлар томонидан ирсиятнинг моддий асоси 
хромосомалар эканлиги, ирсий омиллар, яъни генларнинг хромосомаларда 
тўғри чизиқ бўйлаб маълум тартибда жойлашганлиги исботлаб берилди. 
Бу соҳадаги тадқиқотларнинг ривожланиши натижасида хромосоманинг 
генетик ва цитологик хариталарини тузиш имконияти туғилди. Янги – 
цитогенетика фани шаклланди. 
Ирсият мутация назариясининг яратилиши
(голландиялик олим 
Х.Де Фриз, 1903) генетика тарихидаги муҳим воқеалардан бири бўлди. Бу 
назарияга биноан, кучли таъсир этувчи омиллар (мутагенлар) таъсирида 
организмларнинг генлари тубдан ўзгариб, янги, турғун ҳолатда наслдан – 
наслга бериладиган ўзгарувчанлик пайдо бўлади. Бундай ўзгарувчан-
ликнинг пайдо бўлиш жараёнини 
мутагенез
, ирсий ўзгарган белгини эса 
мутация
, мутацияга эга бўлган организм 
мутант
деб аталадиган бўлди. Бу 
назария учун дастлабки далиллар рус олими С.И.Коржинский томонидан 
келтирилган. Немис олими Г.Мёллер (1927) дрозофила пашшасига 
радиация нурларини таъсир эттириб, сунъий шароитда кўплаб мутациялар 
олиш мумкинлигини исботлади. У, тажрибада ҳосил бўлаётган 
мутацияларни ҳисобга олиш, уларнинг табиатини ўрганиш методларини 
яратди. Рус олимлари Г.А.Надсон ва Г.С.Филиппов (1925) рентген нурлари 
таъсирида маданий ўсимликларда турли хил мутациялар олишга муваффақ 
бўлдилар. 
Инглиз олими Ш.Ауэрбах, рус олими И.А.Рапопорт баъзи кучли 
таъсир қилувчи кимёвий моддалар таъсирида ҳам мутация олиш 
мумкинлигини исботладилар. Қайд этилган соҳадаги тадқиқотлар 
мутацион генетика
йўналишининг пайдо бўлишига олиб келди. 
Генетика тарихида оламшумул аҳамиятга эга бўлган кашфиётлардан 
бири