Махсус таълим вазирлиги мирзо улуғбек номидаги

умумий генетика 
деб 
қўлланилиши мақсадга мувофиқдир. Умумий генетика негизида пайдо 
бўлган генетик фанлар икки принципда классификация қилинади: 
1. Генетик фанлар ўрганаётган объектига қараб қуйидаги хусусий 
генетик фанларга ажратилади: одам генетикаси, ҳайвонлар генетикаси, 
ўсимликлар 
генетикаси, 
микроорганизмлар 
генетикаси, 
вируслар 
генетикаси. 
Юқорида келтирилган йирик хусусий генетик фанлар ўз навбатида 
айрим организмлар тури, туркум генетикасини ўрганадиган кичик хусусий 
генетик фанларга бўлинади. Масалан, ўсимликлар генетикаси доирасида 
қуйидаги хусусий генетик фанлар пайдо бўлди: буғдой генетикаси, 
картошка генетикаси, ғўза генетикаси ва бошқалар. 
2. Генетик фанлар илмий – тадқиқотларда қўлланиладиган 
методларига қараб қуйидагича классификация қилинади: 
Онтогенетика
(феногенетика) – генлар фаолияти натижасида 
организм белги ва хусусиятларининг онтогенез (шахсий ривожланиш) 
жараёнида унинг фенотипида ривожланиш қонуниятларини тадқиқ қилади; 
Цитогенетика 
– дурагайлаш генетик таҳлил методини цитологик 
метод билан комплекс ҳолда қўллайдиган фан; 
Мутацион генетика – 
организмлар генотипининг мутацион (ирсий) 
ўзгариш қонуниятларини тадқиқ этади; 
Экологик генетика –
организмлар генотипининг фенотип 
тариқасида ривожланишига экологик омилларнинг таъсирини ўрганади. 
Уларнинг генофондини экстремал омилнинг салбий таъсиридан сақлаш 
муаммоларини ечиш усулларини яратади; 
Популяцион генетика –
популяция генофондининг сифат ва миқдор 
таркиби, популяцияда генлар ва генотипларнинг тарқалиш, ҳамда 
тақсимланиш қонуниятларини ўрганади; 
Тиббиёт генетикаси –
одамларда ирсий касалликларнинг келиб 
чиқиш сабабларини диагностика қилиш ва даволаш методларининг 
генетик асосларини ишлаб чиқади;