«Mahallabay» ishlash tizimining asosiy yoʻnalishlar sifatida quyidagilarni keltirib oʻtish mumkin

birinchidan, kelib tushgan muammoni haqiqatan ham viloyat muvofiqlashtiruvchi guruhi vakolatiga kirishi oʻrganiladi;
ikkinchidan, muammo Respublika darajasida hal etilishi talab etilgan taqdirda Respublikada tuzilgan shtabga yuboriladi; uchinchidan, viloyat darajasiga taalluqli muammo boʻlsa tegishli idora va tashkilotlarga hal etish uchun yuboriladi.
Tadbirkorlar muammolariga asosan: yer olish, kredit olish, debitorlik qarzlar, mahsulot yoki xizmatlarini sotish, kreditni qaytarish, bino va kerakli mutaxassislar masalalari kiradi.
Ijtimoiy muhofazaga muhtojlar muammosiga: kam taʼminlanganlarni moddiy qoʻllab-quvvatlash, aholini uy joy bilan taʼminlash, nogironlar masalalari kabilar kiradi.
Ishsizlik masalasiga: ish bilan taʼminlash, tegishli koʻnikma va bilimga ega emaslik masalalarini oʻzi ichiga oladi;
Infratuzilma bilan bogʻliq muammolar asosan: gaz, elektr energiyasi, suv, oqava suv, yoʻl kabilar.
Sogʻliqni saqlash tizimidagi muammolarga asosan, sogʻliqni saqlash muassasalarida kadrlarni yetishmasligi, tegishli asbob uskunalarning yetishmasligi, ularda koʻrsatilayotgan xizmatlarning talab darajasida emasligi kabilar.
Taʼlim tizimidagi muammolarga: maktabgacha taʼlim muassasalarining yetishmasligi, oʻrta taʼlim maktablarining moddiy texnik ahvoli, malakali oʻqituvchilarning yetishmasligi, maktabning uzoqligi kabilar.
Joylarda tadbirkorlik faoliyatiga toʻsiq boʻlayotgan (yer ajratish, qurilish uchun ruxsat berish, litsenziya olish, boʻsh bino va yer maydonlarini ajratish, kommunikatsiyaga ulanish) muammolarni tezkorlik bilan hal etish. Viloyat, tuman (shahar) muvofiqlashtiruvchi guruhi tomonidan joylarda tadbirkorlik faoliyatiga toʻsiq boʻlayotgan (yer ajratish, qurilish uchun ruxsat berish, litsenziya olish, boʻsh bino va yer maydonlarini ajratish, kommunikatsiyaga ulanish) muammolarini tezkorlik bilan hal etish borasida amalga oshiriladigan tadbirlar rejasini ishlab chiqadi va amalga oshiradi.
Har bir mahalla va tumanni ijtimoiy-iqtisodiy rivojlantirish dasturini ishlab chiqish va tuman kengashiga taqdim etish. Har bir mahalla va tumanni ijtimoiy-iqtisodiy rivojlantirish dasturi mahalla va tumanni yana-da rivojlantirish, aholining, xususan, xotin-qizlar, yoshlar va kam taʼminlangan fuqarolarning bandligini taʼminlash orqali ularning daromadlari va turmush darajasini oshirish; yangi ishlab chiqarish quvvatlarini tashkil etish, mavjud ishlab chiqarish quvvatlarini modernizatsiya qilish orqali sanoat mahsulotlarini ishlab chiqarish hajmlarini koʻpaytirish; aholini tadbirkorlikka keng jalb qilish va oilaviy tadbirkorlikni yana-da rivojlantirish uchun qulay shart-sharoitlar yaratish; muhandislik-kommunikatsiya va ijtimoiy infratuzilmani rivojlantirish, aholini toza ichimlik suvi, tabiiy gaz, elektr va issiqlik energiyasi bilan taʼminlash darajasini oshirish; mahalla va tumanning meʼmoriy qiyofasini tubdan oʻzgartirish hamda obodonlashtirish ishlarini jadallashtirishga qaratilgan.