Mahalla va oila

7-MAVZU. YOSHLARNI OILAGA IJTIMOIY VA PSIXOLOGIK 
MOSLASHTIRISH USULLARI. QAYNONA-KELIN MUNOSABATLARI. ER 
VA XOTIN MUNOSABATLARI. 
Reja
: 
1.  Yoshlarni oilaga ijtimoiy va psixologik moslashtirish usullari. 
2.  Qaynona-kelin munosabatlari. 
3.  Er va xotin munosabatlari. 
Tayanch iboralar: 
Ota-ona  va  farzand, oila, qaynona  -  kelin,    er va 
xotin, nikoh, baxtli oila. 
Hozirgi  kuzatishlar  natijasiga  qaraganda,  ko‘pchilik  ota-onalar 
farzandlarini  oilali  qilish  maqsadida  mol-dunyo  va  sep  yig‘adilar,  sovchilik, 
qudachilik bordi-keldilarini qiladilar va kattaroq to‘y qilish bilan o‘z burchlarini 
ado  etgan  bo‘lib,  erkin  nafas  oladilar.  Ammo  eng  muhim  masalalardan  biri 
bo‘lgan narsa – qizlarini kelinlikka, o‘g‘illarini kuyovlikka tayyorlash eslaridan 
chiqib  qoladi.  Ming  afsuski,  ko‘pchilik  yoshlar  go‘shangaga  oila,  er-xotinlik 
hayoti,  ularning  o‘zaro  munosabatlari,  haq-huquqlari  hamda  burch  va 
mas’uliyatlari haqidagi dinimiz ta’limotlaridan bexabar holda kiradilar. 
 
 
Odatda, to‘y vaqtida va oilaviy hayotning boshlanishida kelin-kuyovning 
yaqinlari,  kuyov  jo‘ralar,  kelin  yangalar  ularga  qanday  qilib  bo‘lsa  ham  umr 

---

103
 
 
yo‘ldoshini  “gah  desa,  qo‘lga  qo‘nadigan  qilib  olish”  haqida  va  boshqa 
bachkana narsalardan iborat bo‘lgan maslahatlarni beradilar. 
 
 
 
 
 
Aslida,  “Er  oilada  qanday  bo‘lishi  kerak?”  degan  savollarga  mazkur 
maslahatlar  hech  qachon  javob  bera  olmaydi.  Aksincha,  ular  oilada 
aloqalarning keskinlashuviga sabab bo‘ladi, xolos. 
Yoshlar  pul,  vaqt,  harakat,  aql,  zakovatni  o‘zining  oilaviy  baxti  uchun 
kerak bo‘ladigan ta’limotlarni o‘rganishlari kerak bo‘ladi. Bu masalaga alohida 
e’tibor  berish  har  bir  ota-onaning  burchidir.  Yoshlar  doimiy  kitoblar  o‘qishi, 
ma’ruzalar  tinglashi,  ovoz  yozuv  vositalarini  yeshitishlari  oilaviy  hayotga  oid 
bilimlarini oshirishiga xizmat qiladi. Xalqaro axborot tarmog‘i sahifalarida ham 
ko‘plab ma’lumotlar bor. Bilmaganlar so‘rab, o‘rganishlari mumkin. 
Balki,  imkonini  topib,  kelin-kuyovlar  uchun  o‘quv  kurslari  ochish  zarur. 
Boshqa kerakli choralarni ko‘rib, bu ahamiyatli ish bo‘yicha har bir sohaning 
mutaxassislari o‘z imkonlarida bor hissani qo‘shishlari yaxshi natijalarga olib 
boradi.  Vaqtning  borida  mazkur  mutaxassisliklarning  faoliyatlarini 
muvofiqlashtirish va samarali bo‘lishini ta’minlash kerak.