Magniyning davriy sistemadagi o’rni, xossalari, olinishi va ishlatilishi

Ta’limiy : Magniy elementining oziga xos xususiyatlarini bilish.
Rivojlantiruvchi: Magniy elementining o’ziga xos xususiyatlarini ochib berish, mustaqil tanqidiy tafakkurni rivojlantirish, o’z fikrini erkin bayon qila olish, ko’nikma va malakaga ega bo’lishga o’rgatish.
Tarbiyaviy : Magniy elementining inson organiizmi va osimliklar uchun foydali tomonlarini ko’rsatish.
Dars uslubi : Interfaol
Dars jihozlari : Davriy sistema, magnitli doska, tog’ jinslaridan namunalar, tajriba bajarish uchun jihozlar va reaktivlar, tarqatma materiallar, “Texnologik xarita “, “Fikrlar ummoni “, “Kungaboqar “, “Klaster”, “ Baliq skeleti “ ni tasvirlovchi rasmlar.
Qo’llaniladigan vositalar : A-3, A-4 bichimli qog’ozlar, flamaster, yelim, to’pshiriqlar yozilgan varaqlar.
Darsning borishi. Darsni tashkil etish, davomatni, o’tilgan mavzuni, uyga berilgan vazifani aniqlash.
O’tilgan mavzuni so’rashga tarqatma materiallardan foydalaniladi.

1. 
   tarqatma material: Karbonat kislotasining molekulyar, grafik va elektron formulasini yozing ;
   
2. 
   baliq skeleti asosida bariy metaliga xos reaksiya tenglamalarini yozib bering ;
   
3. 
   slaytdan foydalanib, nitrat kislotaning sanoatda olish usullarini ifodalab bering.
   
4. 
   tarqatma materiallar: sul’fat kislotasiga xos bo’lgan sifat reaksiya tenglamalarini yozing.
   
5. 
   O’tilgan mavzu asosida savol javoblar tashkillashtiring.
   

O’quvchilar tarqatma materiallarga javob berayotgan vaqtida uyga berilgan vazifani o’qituvchi sinfda yurib, o’quvchilarning topshiriqlarni qanday darajada bajarganligini aniqlaydi, lozim bo’lsa baholaydi.
O’tilgan mavzuga oid savol javobga qatnashgan o’quvchilar baholanadi. O’qituvchi o’tilgan mavzuni mustahkamlab, yangi mavzuni boshlaydi.
“ Magniyning davriy sistemadagi o’rni, xossalari, olinishi va ishlatilishi “ mavzusini innovatsion texnologiyalarni qo’llash orqali o’rganish.
Texnologiyaning qo’llanishi: yangi mavzuni o’tishda, o’tilgan mavzuni so’rashda, amaliy va laboratoriya mashg’ulotlarni o’tkazishda, kichik guruhlarga bo’lib o’tkazish maqsadga muvofiqdir.
O’tkazish tartibi: sinfdagi barcha o’quvchilarni 4 kishidan iborat bo’lgan, 8- ta guruhga ajratiladi, mashg’ulotning maqsadi, o’tkazilish tartibi bilan tanishtiriladi va savollarga javob topish uchun vaqt beriladi.
Topshiriqlar A-3 bichimdagi qog’ozlarda yozilgan bo’ladi.