Magniyning davriy sistemadagi o’rni, xossalari, olinishi va ishlatilishi

Key words: dolomite, magnesite, acid salt, carnallite, olivine, chlorophyll, bone, brain, electrolysis, cathode, anode, Isobar, innovative methods.
“Ta’lim to’g’risida”gi qonun, Kadrlar tayyorlash milliy dasturining o’quv jarayoniga amaliy tatbiq etilishining eng so’nggi bosqichi, sifat va samaradorlikka erishish davri shu kunlarda kechmoqda. O’rta maktablarda ta’limning o’n bir yilligini tashkil etish, respublikada prezident maktablarini vujudga keltirish, maktablarning moddiy ta’minotini ta’minlash va ta’lim olish uchun sharoitlarni vujudga keltirish o’quvchilarning dunyoviy ilmlarni puxta egallashiga qaratilgan. Shu sababli ana’naviy darslar o’rniga noana’naviy muqobil ta’limni, ya’ni innovatsion, yangi texnologiyalarni, interfaol ta’limni joriy etishni hayotning o’zi talab etmoqda. Moddiy va ma’naviy olam to’g’risidagi bilimlarni yoshlarga o’rgatish, ta’limni tashkil etish, boshqarish va nazorat etish muammolarni didaktik tadbiq etadigan asosiy masalalardir. Innovatsiya -yangiliklarni amalga joriy etish, kiritish jarayoni va faoliyati bo’lsa, usul - biror narsa, xodisa, jarayonni o’rganish yoki amalga oshirish tartibidir [1]. Hozirgi kunda joriy etilayotgan ta’limga yangicha yondashuv, innovatsion ta’lim texnologiyalari koproq ta’lim oluvchilar faolligiga asoslanishi, ularda mustaqil o’rganish ehtiyojini va ko’nikmalarini shakllantirishga yo’nalgan. O’qituvchi bilim uzatish rolidan ta’lim oluvchilarning faol o’rganish jarayonini tashkil qiluvchi, ularning o’qish motivatsiyalarini va faoliyatini boshqaruvchi, ulardagi mavjud bilish, erkin fikrlash, ijod qilish, yangiliklarni yaratish ehtiyojlarni psixologik va pedagogik jihatdan oqilona qo’llab quvvatlab, rivojlantiruvchi roliga o’tishi zarur [2.3,4,]. Ushbu maqolada kimyo fanini o’qitishda foydalanishi mumkin bo’lgan innovatsion usullarni tatbiq etgan holda o’quvchilarga magniy va uning xossalarini o’rgatishga xarakat qilindi.
Maqsad : Magniy elementining davriy sistemadagi tutgan o’rni, atom tuzilishi, tabiatda tarqalishi va xossalarini o’quvchilarga o’rgatish.