Магниторазведка

Дала қидирув ишлари

• Дала магниторазведкасида горизонтал ташкил этувчисининг нисбий орттирмаси ∆Н, кўпинча вертикал ташкил этувчисининг нисбий орттирмаси ∆Z ўлчанади. Уларни ўлчаш учун магнитометрлар деб аталган асбоблар ишлатилади. Оптик – механик, кварцли, феррозондли, протонли ва бошқа турдаги магнитометрлар ишлатилади.
• Қайсидир нуқтада нисбий ўлчовларни ўтказиш учун ўлчанадиган магнит майдон элементлари абсолют (тўлиқ) қийматлари ўлчанган ёки аниқ бўлган нуқтага нисбатан солиштириш йўли билан топилади, яъни фарқлари ҳисобланади.

Дала ишларида магниторазведка услуби

• Қўйилган геологик масалани ечиш учун қуйидагиларга аҳамият берилади:

1. Асбоб ва усулни;

2. Хариталаш тури ва кузатув тизимини,

3. Профиллар йўналишини,

4. Кузатув қадамини танлаш,

5. Материаллар натижаси ва улар қайси шаклда кўрсатилиши,

6. Иш хатосини тасаввур қилиш керак.

• Магниторазведканинг асосий хариталаш ишлари далада (ер юзасида, пиёда ва автомобилда), ҳавода (аэромагниторазведка), денгизда (гидромагнит), Ер тагида ва қудуқларда олиб борилади.

Магниторазведкада турли хариталаш ишлари

• Геологик масалаларни ечиш бўйича магниторазведка турли хариталашларга (съёмкаларга) бўлинади:
• Регионал (ҳудудий), аэромагнит ва гидромагнитли хариталаш. Масштаб 1:200000 ва ундан майда. Катта ҳудудларни чуқурликлардаги геологик тузилишини ўрганади.
• Харитали съёмка (аэромагнитли ва дала). 1:100000 ва 1:50000 масштабда ўрганилаётган майдонларни темир маъданига ва бошқа фойдали қазилмаларга истиқболли бўлишини баҳолаш мақсадида ўтказилади.
• Харитали излаш (дала) – йирик масштабли геологик хариталаш (Масштаб 1:50000 ва 1:10000) ва темир маъдани ва бошқа фойдали қазилмаларни қидириш мақсадида қўлланилади.
• 1:10000 ва йирикроқ масштабдаги излов – қидирув ва аниқ маъдан жинсларини аниқлаш, ўлчамларини, шаклини, ётиш ҳолатини, магнит хоссаларини баҳолаш мақсадида ўтказилади.