Магниторазведка

Магнит аномалияларини талқин қилиш

• Магнит аномалияларини талқин қилишда аномалияларнинг табиати, геологик объектлар билан боғланиши, геологик муҳитда жойланиш қонунияти ва натижада майдоннинг геологик тузилиши ўрганилади.
• Талқин қилиш сифатий ва миқдорийга бўлинади.

Сифатли талқин қилиш

• Сифатийда – кузатилган магнит аномалияларни тақсимланиши, таснифи, шакли, кескинлиги ўрганилади, регионал (ҳудудий) ва локал (маҳаллий) аномалияларга ажратилади. Магнит қўзғатувчи объектларнинг табиати ва параметрлари таҳминан баҳоланади.
• Сифатий талқин қилишнинг асосий усуллари кўринар таҳлили ва аномалияларни оддий ҳисоботлар ёрдамида бошқа кузатув даражасига (тепага ёки пастга), магнит потенциалининг бошқа ҳосилалари қайта ҳисобланади. Бундай қайта ҳисоботлар трансформациялар деб аталади. Уларнинг мақсади бизни қизиқтирадиган майдоннинг ҳусусиятларини ажратиш ва кучайтиришдир.

Миқдорий талқин қилиш

• Миқдорий талқин қилишда математик формулалар бўйича ҳисобот ишлари ёки турли палеткалар ёрдамида магнит кўзғатувчи жисмнинг шакли, ётиш чуқурлиги, ўлчамлари ва хоссалари аниқланади.
• Миқдорий талқин қилиш магниторазведканинг тўғри ва тескари масалаларини ечиш асосида ўтказилади. Миқдорий талқин қилишнинг услуби кузатилган аномалияга асосланиб, танлаб олинган моделга (геологик объект содда геометрик жисмлар билан аппроксимациялашган модел) бир неча марта ҳисобланган назарий аномалия кузатилган аномалия билан солиштириш усули билан олиб борилади.

Магниторазведка далилларини сифатли талқин қилиш

• Профиллар ва изодинама хариталарида битта объектга тегишли аномалиялар ажратилади ва кузатилади, ҳар хил жинслар контактлари холати белгиланади, тузилмалар контурлари кузатилади. Изометрик Za аномалиялари тик магнитланган изометрик геологик объектларга тўғри келади; чўзиқ изодинамаларга чўзиқ геологик тузилмалар ва алоҳида қатламлар тўғри келади. Агар тик магнитланган жисмга майдон Za аномалияси битта ишорага эга бўлса, унда бу жинсларнинг бошқа қутби катта чуқурликда ётганини билдиради; агар жисмнинг пастки қисмининг чуқурлиги юқори қисмининг чуқурлигидан кам фарқ қилса, унда юқори қисми таъсиридан ҳосил бўлган кучли аномалия атрофида пастки қутби таъсирида ҳосил бўлган кучсиз тескари ишорали майдон кузатилади. Кучсиз аномалияларнинг тақсимланиш майдони жинсларнинг ётиш йўналишини билдиради.