Magistrlik dissertatsiyasi mavzusi

Tadqiqotning vazifalari:
suspenziyalarning gʼovak muhitlarda sizishi masalasini “eskirish” va “yuklanish” hodisalarini hisobga olib matematik modelini takomillashtirish va masalalarni sonli yechish;
dinamik omillar, diffuziya va choʼkma hosil boʼlish kinetikasi koʼp bosqichliligini hisobga olib suspenziyalarning gʼovak muhitlarda sizishi va modda koʼchishi jarayonlari modelini takomillashtirish va masalani sonli tadqiq etish;
ikki komponentli suspenziyalarning gʼovak muhitlarda sizishi jarayonining dinamik omillar va diffuziyani hisobga olgan holda matematik modeli va sonli algoritmini tuzish;
bir va ikki komponentli suspenziyalarning gʼovak muhitlarda sizishi masalasini choʼkma hosil boʼlishining koʼp bosqichli kinetikasini hisobga olib yechish uchun dasturiy vosita yaratish.
Tadqiqotning obyekti: G’ovak muhit va unda choʼkma hosil qilib sizuvchi bir jinsli boʼlmagan suyuqlikdan iborat.
Tadqiqotning predmeti:G’ovak muhitlarda suspenziyalar sizishi jarayonlarining matematik modellari, hisoblash algoritmlari, dasturiy vositalari va gidrodinamik tahlildan iborat.
Tadqiqotda qo’llaniladigan usullar: Dissertatsiyada matematik modellashtirish, hisoblash matematikasi va hisoblash eksperimenti usullaridan foydalaniladi.
Tadqiqotning yangiligi:
suspenziyalarning gʼovak muhitlarda sizishi jarayonining matematik modeli “eskirish”, “yuklanish” hodisalari va dinamik omillarni hisobga olgan holda takomillashtirilgan va masalalarni chekli va yarim cheksiz qatlamlarda chekli ayirmalar usuli asosida yechish uchun hisoblash algoritmi ishlab chiqilgan;
suspenziyalarning gʼovak muhitlarda sizishida choʼkma hosil boʼlishi kinetikasining koʼp bosqichliligini hisobga olib, matematik modeli takomillashtirilgan va masalani yechishning samarali algoritmi ishlab chiqilgan;
dinamik omillar, “eskirish” va “yuklanish” hodisalarining sizish xarakteristikalariga taʼsiri baholangan;
ikki komponentli suspenziya sizishi modeli dinamik omillarni hisobga olgan holda takomillashtirilgan.