Magistratura bo’limi

3.1-jadval

Dunyoning ba’zi mamlakatlari iqtisodiyotida kichik va o’rta biznesning o’rni³² (2010 yil 1 yanvar holatiga)

Mamlakatlar	Kichik biznes korxonalari soni		Kichik biznes ulushi, foiz xisobida
	ming dona	ming kishi xisobiga	jami ish bilan bandlar soni	yalpi ichki mahsulot
AQSh	19266	71,0	53	49-51
Evropa Ittifoqi mamlakatlari	14981	46	74	64-65
Buyuk Britaniya	2917	46	49	55-53
Germaniya	2229	37	46	53-54
Italiya	3917	68	73	58-60
Frantsiya	1889	35	54	55-60
Yaponiya	6434	49,6	78	52-55
Rossiya	834,4	6,3	9,7	10-12
O’zbekiston*	389,20	9,2	76	46-48

Aytish joizki, mazkur davlatlarda kichik biznesning iqtisodiyotdagi o’rniga XX asrning 70-yillaridan boshlab munosib baho berib, unga bo’lgan e’tibor yanada kuchaytirib kelingan.
Ko’pgina xorijiy mamlakatlarning kichik biznes va xususiy tadbirkorlik korxonalarini rivojlantirish siyosatida kichik va yirik korxonalarning o’zaro hamkorlikdagi faoliyatini qo’llab-quvvatlash tendentsiyasi amalda qo’llaniladi. Masalan, AQSh qonunchiligida “500 ming dollardan ortiq miqdordagi to’g’risidanto’g’ri federal bitim tuzishda yirik firmalar bu bitim bo’yicha bajariladigan ishlarning ma’lum bir qismi (foizi)ni kichik korxonalarga berishi (ya’ni ular orqali bajarishi) shartligi belgilab qo’yilgan».
Bu qonunga rioya etishni esa «Kichik biznes ishlari bo’yicha ma’muriyat” tomonidan nazorat qilib boriladi. Shuningdek, turli xil tashkilot hamda yirik korxonalarning kichik korxonalarga moliyaviy yordam berishga qiziqishini va manfaatdorligini oshirish uchun «Kichik biznes ishlari ma’muriyati” kichik biznes korxonalarini kreditlashda kreditorlarga kreditni to’lay olmaslik xavfini kamaytirish maqsadida zayom kapitalining 90 foizigacha davlat kafolatini beradi (sug’urtalaydi). Bunday siyosatni amalda tadbiqi tufayli keyingi yillarda yirik korporatsiyalarning o’z faoliyatlarida kichik biznes korxonalariga alohida ishlar va xizmatlar turlarini berish orqali yuksalishga erishmoqdalar. Chunki, ularning bajarilishi aynan kichik korxonalarda sifatli va samarali bo’lmoqda.