Magistratura bólimi

4. Kafedranıń ilimiy seminarları, dissertaciyalar hám esapların talqılawǵa baǵıshlanǵan jıynalıslarda qatnasıw
2021-jıl dawamında Arxeologiya kafedrasınıń ilimiy seminarlarına hám magistrantlardıń ilimiy jumısların talqılaw boyınsha májilislerine qatnastım. Bul talqılawlarda ilimiy jumıslardiń jazılıw barısı hám olardıń strukturalıq baylanısları haqqında qosımsha maǵlıwmatlarǵa da iye boldım. Ózimniń ilimiy jumisima baylanıslı bolǵan sirt el ádebiyatlari hám ilimiy jumıslar sonday-aq ilimiy maqalalar menen de tanıstım.

5. Magistrlik dissertaciyası teması boyınsha ilim izertlew jumısların alıp barıw.
Magistrlik dissertatsiyasın orınlaw boyınsha ilimiy basshı t.i.k, docent J.Hákimniyazov menen birgelikte islep atırman. Qaraqalpaq mámleketlik universiteti Málimleme resurs orayında kitaplar ilimiy ádebiyatlar menen islesip analiz qılınbaqta. Sonday-aq Arxeologiya kafedrasınıń ilimiy jıynalıs hám seminarlarında qatnasıp olardan kórsetpeler hám usınıslar alıp atırman. Jáne de sırt el hám jergilikli ilimpaz hám arxeologlardıń ilimiy miynetleri maqala hám tezisleri menen jaqınnan tanısıp olardı analizlep atırman. Qaraqalpaqstanda arxeologiya iliminiń qáliplesiw tariyxın úyreniwde arxivlik materiallardan da únemli paydalanıp kelmektemen. Qaraqalpaqstan arxeologiya iliminiń aldında turǵan mashqalalardı sheshiw hám keyingi perspektivalardı belgilew eń aktual máselelerdiń biri bolıp sanaladı.

6. Ilim-izertlew jumısların alıp barıw metodologiyası menen tanısıw
Ilimiy jumıslardı alıp barıw dáslep rejelestiriwden baslanadı.
Joba tómendegi tártipte dúziledi:
1. Tayarlıq jumısları;
2. Ilim izertlew jumısların orınlaw;
3. Ilimiy maqala hám dissertaciya tekstin tayarlaw;
4. Dissertaciyanı texnikalıq bezew;
5. Dissertaciyanı rásmiylestiriw hám qaǵaz variantta shıǵarıw;
6. Qorǵawǵa tayarlaw;
8. Qorǵaw.
Ilim izertlew jumısların ótkeriw
1. Ulıwma metodikalıq máseleler;
2. Ilimiy aldınan kóre alıwdıń tiykarǵı quralları;
3. Ilimiy izleniwlerdiń ózgeshelikleri;
4. Ilim izertlewde modellestiriw;
5. Ilim izertlew logikalılıǵı.
Ilim izertlew jumısın orınlaw basqıshları:
1. Ilim izertlew jumısın orınlaw rejesin dúziw;
2. Ilimiy ádebiyatlar menen islew;
3. Baqlaw maǵlıwmatların toplaw;
4. Maǵlıwmatlardı qayta islew hám ulıwmalastırıw;
5. Еksperemental izertlewler;
6. Metodologiyalıq izertlewler;
7. Analizli izertlewler;
8. Analitikalıq izertlewleri;
9. Tarixiy bibliografiyalıq izertlewleri;
10. Kompleks izertlewler;
11. Tiykarǵı nátiyjeler, juwmaqlar, usınıs hám pikirler.