Magistratura bólimi ximiya texnologiya fakulteti organikalíq hám organikalíq emes kafedrasi

Ximiyaliq laboratoriyalarda tájiriybeler ótkergende tómendegi qaǵiydalardi este saqlań:

1. 
   Laboratoriyada jumis islegende xalat kiyiw kerek. Záru’r bolǵan jaǵdaylarda kóz áynek, qolǵap h.t.b ánjamlar tayar boliwi kerek.
   
2. 
   Záhárli birikpeler menen islenetuǵin tájiriybelerdi soriwshi shkafta alip barin.
   
3. 
   Ajiralip shiǵip atirǵan gazlardi jaqinnan iyiskelewge bolmaydi. Eger gaz iyisin biliw kerek bolsa, áste-aqirin, hawani qolińiz benen idis awzinan jelpip iyiskelen.
   
4. 
   Ku’shli kislotalardi (ásirese koncentrlengen ku’kirt kislotasi) suyiltiriwda suwdi kislotaǵa emes, kislotani suwǵa áste aqirin quyip suyiltiriń.
   
5. 
   Reaktivlerdi paydalanǵanda, quyǵanda, qizdirǵanda shashirap ketiwden abaylań.
   
6. 
   Probirkaǵa zat alǵanda, oni qizdirǵanda probirka awzin ózińe yamasa qasińizda turǵan adamǵa qaratpań.
   
7. 
   Kózińizge yamasa u’stińizge reaktiv shashirap ketse, tez suw menen juwip taslań. Eger ku’yiw yamasa jara payda bolsa birinshi medicinaliq járdem kórsetiliwi kerek.
   
8. 
   Sinap hám usiǵan uqsaǵan birikpeler menen tájiriybe islegende abaylań. Tájiriybe islep bolǵannan keyin qolińizdi juwiwdi umitpań.
   
9. 
   Suwli eritpelerdiń hám uliwma suyiqliqlardiń dámin tatip kóriw qadaǵan etiledi.
   
10. 
    Janiwshi zatlar menen tájiriybe islegende ottan uzaq yamasa uzaq soriwshi shkaflarda islew kerek.
    
11. 
    Benzin, spirt, efir yamasa basqa da tez órt aliwshi zatlar menen jumis islegende ju’dá abayli boliw kerek. Eger bunday jaǵdayda órt kelip shiqsa, oni suw menen óshiriwge bolmaydi. Bunday jaǵdayda órt qum menen óshiriledi.
    
12. 
    Gazlar menen jumis islegende uwlanip qalsańiz, tez taza hawaǵa shiǵiń.
    
13. 
    Elektr áspablari menen islegende olardiń izolyaciyasina itibar beriń.
    
14. 
    Tájiriybe nátiyjesinde alinǵan zatlardi belgilengen orinlarǵa qoyiw yamasa oqitiwshiǵa tapsiriń.
    
15. 
    Laboratoriyaliq jumis tamamlanǵannan keyin, jumis ornin tártipke salip, gaz hám suw kranlari hám elektr áspablariniń óshirilgenligin tekseriwdi umitpań.