Magistratura bólimi ximiya texnologiya fakulteti organikalíq hám organikalíq emes kafedrasi

Laboratoriyaliq jumis tómendegi tártipte alip bariliwi kerek:

1. 
   Oqiwliq hám lekciya tekstlerinen orinlaniwi záru’r laboratoriyaliq jumislarǵa tiyisli bólimlerin oqip, laboratoriyaliq jumistiń mazmuni menen tanisiw;
   
2. 
   Tájiriybe alip bariw ushin záru’r nárselerdi (idislar, áspab-u’skeneler, reaktivler h.t.b.) toliq jiynaw;
   
3. 
   Tájiriybe baslamastan aldin jumistiń orinlaniw tártibi hám izbe-izligi menen tanisiw;
   
4. 
   Laboratoriyaliq jumis dápterine tájiriybe orinlanǵan ku’n sánesi, temaniń atamasi, jumistiń mazmuni, áspablardiń sxemasi yamasa su’wretin siziw;
   
5. 
   Tájiriybeniń ótiw barisin baqlaw hám oniń barliq ózgerislerin laboratoriyaliq jumis dápterine jaziw;
   
6. 
   Jumis dápterine baqlanǵan ózgerislerdiń reakciya teńlemelerin, esaplawlardi, jumis boyinsha esabatti jaziw;
   

Tájiriybe ushin kerekli reaktivler hám eritpeler arnawli idislarda, bankalarda saqlaniwi kerek. Reaktivler salinǵan idislarda zattiń atamasi, oniń tazaliq dárejesi, eritpeler ushin bolsa olardiń kontcentraciyasi kórsetilgen etiketkalari boliwi kerek.
Reaktivlerden paydalanǵanda tómendegilerdi názerde tutiw kerek:

1. 
   Islenetuǵin tájiriybe ushin kórsetilgen muǵdarda reaktivti ólshep aliw záru’r;
   
2. 
   Qurǵaq reaktivlerdi idisdan metal qasiqshalar járdeminde aliw kerek;
   
3. 
   Isletilgennen artip qalǵan reaktivti idisina qaytarip saliwǵa bolmaydi, sebebi ol jumis islegende pataslaniwi mu’mkin;
   
4. 
   Suyiq haldaǵi reaktivlerdi idislardan pipetka járdeminde aliw kerek;
   
5. 
   Paydalanip bolinǵan reaktivlerdi dárhal óz ornina qoyiw kerek;
   

Ximiyaliq laboratoriyalarda alip barilatuǵin jumislar hám qollanilatuǵin reaktivler adam organizmi ushin málim dárejede záhárli. Sonliqtan laboratoriyada jumis islegende kórsetilgen qaǵiyda hám qáwipsizlik texnikasin saqlaw talap qilinadi.