Магистр диссертацияси мавзуси Илмий фаолият – web тизими иш жараёнини моделлаштириш ва дастурий таъминотини ишлаб чиқиш Илимий искерлик

Тадқиқот ишининг янгилиги қуйидагилаpдан ибоpат:
ОТМ профессор-ўқитувчилари илмий фаолияти натижаларини баҳолаш асосида дастлабки рейтингини ҳисоблаш усулининг жараён модели ва дастурий модули ишлаб чиқилган;
ахборот тизимининг архитектураси, маълумотлар базаси
инфологик модели, модуллараро функционал боғлиқлик тузилмаси ишлаб чиқилган;
Сервисга йўналтирилган архитектурада илмий фаолияти натижаларини синфлаштириш, ўхшаш белгиларни аниқлаш масалаларини ечишга мўлжалланган веб сервис кўринишидаги API дастурий воситаси ишлаб чиқилган;
Тадқиқотнинг асосий масалалари ва фаразлари: ОТМ профессор-ўқитувчилари томонидан илмий журналларда, конференцияларда эълон қилинаётган илмий ишларни баҳолашга йўналтирилган масалаларни ечиш учун BPMN жараён моделлари ишлаб чиқилади.
Тадқиқот мавзуси бўйича адабиётлар шарҳи (таҳлили): Олий таълим муассасалари профессор-ўқитувчиларининг илмий салоҳиятини баҳолашда фан, техника ва юқори технологияларнинг роли беқиёс ҳисобланади. Илмий салоҳиятни баҳолаш усуллари, башоратлаш масалалари бўйича К.А.Задумкин, И.А.Кондаков, В.А.Ильин, А.О.Ладный каби олимлар томонидан илмий-тадқиқот ишларини олиб борилган. Маълумотларни интеллектуал таҳлиллаш, тимсолларни аниқлаш масалаларини ечиш усуллари ва алгоритмларини тадқиқ қилиш бўйича Ю.И.Журавлев, В.Л.Матросов, В.В.Рязанов, Н.Г.Загоруйко, A.A.Барсегян ва бошқа қатор МДҲ олимларининг ишларида кўриб чиқилган. Ўзбекистонлик олимлар, жумладан М.М.Камилов, Ш.Е.Туляганов, Т.Ф.Бекмуратов, А.Х.Нишанов, Х.Н.Зайнидиновлар томонидан маълумотларга ишлов бериш, маълумотларни интеллектуал таҳлиллаш усул ва алгоритмларини яратишга доир тадқиқотлар олиб борилган.
Тадқиқот натижаларининг назарий ва амалий аҳамияти:Тадқиқот натижаларининг назарий аҳамияти таклиф этилган жараён модели, маълумотлар базасининг IDEF1x модели, реляцион алгебрик ҳисоблашлар, web тизимни лойиҳалаш усулларининг таклиф этилганлиги билан изоҳланади.
Тадқиқот натижаларининг амалий аҳамияти таълим жараёнига замонавий ахборот-коммуникация технологияларининг жорий қилиниши, хусусан профессор-ўқитувчилар ва кафедралар рейтинги аниқлашга йўналтирилган web тизимнинг ишлаб чиқилиши билан изоҳланади