Macromedia Flash дастуридан фойдаланиб мультимедиа воситаларини тайёрлаш

Notebook kompyuterlar. Notebook kompyuterlar hajmi ancha ixcham bo’lib, ammo bajaradigan amallar soni, xotira hajmi shaxsiy kompyuterlar darajasiga ko’tarilib bormoqda. Ularning qulaylik tomondaridan biri ham elektr energiyasidan va ichiga o’rnatilgan batareyalarda ham uzluksiz ishlash mumkinligidir. Bunda batareya quvvati energiyaga ulanishi bilan o’zi zaryad ola boshlaydi va u batareya bir necha yillarga muljallangan bo’ladi. Hozirda bunday notebooklarni IBM, Compaq, Acer, Toshiba va boshqa firmalar ishlab chiqarmoqda. Tabiiyki, bunday kompyuterlar o’z imkoniyatlari nuqtai nazaridan shaxsiy kompyuterlarga tenglashayotganini nazarda tutilsa, uning narxi baland bo’lishini sezish qiyin emas. Bundan tashqari, bunday rusumli kompyuterlar 8-10 yil mobaynida buzilmasdan ishlash qobiliyatiga ega. Ular shaxsiy kompyuterlar uchun yaratilgan operatsion sistemalar MS DOS, qobiq dasturlar, Windowsning oxirgi versiyalarida esa boshqa operatsion sistemalar boshqaruvida ishlaydi.
Hozirda notebook kompyuterlaridan ham ixcham chuntak kompyu­terlari ishlab chiqilmoqda.
Kompyuterning tuzilishi va atrof qurilmalari.
Shaxsiy kompyuter qurilmalari ikki turga bo‘linadi. Ular asosiy va qo‘shimcha qurilmalardir. Kompyuterning asosiy qurilmalari quyidagilar: Protsessor, monitor, klaviatura, sichqoncha.
Protsessor. Kompyuter xotirasidagi barcha axborotlarni avtomatik ravishda qayta ishlaydi. Unda doimiy xotira (BIOS), ma’lumotlarni saqlash qurilmasi qattiq disk (vinchester), mikroprotsessor, tezkor (operativ) xotira, kesh xotira, video adapter, ovoz adapteri (xarita), tashqi xotira qurilmalari bilan ishlovchi qurilmalar va boshqa ichki elektron sxemalardan tashkil topadi. Bundan tashqari protsessorda kompyuterni qo‘shish uchun Power tugmasi, kompyuter ishlamay qolgan vaqtda uni qayta yuklash uchun Reset o‘rnatilgan bo‘ladi. Kompyuterni o‘chirish qoidalari quyida Windows dasturini o‘rganish mavzusida keltirilgan.
Monitor - kompyuterda matn va grafik ma’lumotlarni o‘z ekranida tasvirlash uchun xizmat qiladi. Hozirgi kunda monitorlarning bir qancha turlari mavjud, eng sifatli monitorlar 2563 gacha rangli tasvirlarni ekranda namoyon qila oladi. Monitor ekrani diagonal bo‘yicha o‘lchamlari dyum (« ” » )da hisoblanadi. Eni va bo‘yi bo‘yicha piksellar (nuqtalar) soniga ko‘ra ekran tasviri ko‘rinishi kattalashishi yoki kichiklatirilishi mumkin. Masalan 14” (maksimal 800x600 piksel), 15” (maksimal 1024x768 piksel), 17” (minimal 800x600 piksel), 19”, 21” va undan ortiq dyumgacha (1 dyum = 2,54 sm) bo‘ladi. Monitorning tez ishlashi va rangining sifatli bo‘lishi uning adapterining xotira sig‘imi va chastotasi tezligiga bog‘liq bo‘ladi.
Klaviatura - ma’lumotlarni kompyuter xotirasiga kirituvchi qurilma. Shaxsiy kompyuterda ishlashni o‘rganuvchilar eng avvalo klaviaturaning tugmachalari haqida mukammal tushunchaga ega bo‘lishlari talab qilinadi. Chunki kompyuterning barcha dasturlari va buyruqlari sichqonchasiz ham klaviatura orqali boshqarilishi.
Skaner – qog‘ozdagi tasvir, rasm va matnlarni kompyuter xotirasiga kiritish va uni qayta ishlash maqsadida foydalaniladi. Tasvirlarni sifatli bo‘lishi uchun skaner rejimini piksellari (dpi) sonini ko‘paytirish lozim bo‘ladi. Masalan, 75, 150 dpi sifatli emas, 200, 300 dpi rejimi o‘rtacha sifatni beradi, 600, 1200 dpi rejimi tanlansa, tasvir juda sifatli, lekin xotiraga katta hajmli fayl hosil qiladi. .
Multimediya - Ovoz yozish va ovoz chiqarish qurilmasi. U protsessorda joylashgan plata bo‘lib, maxsus dastur (Proigrivatel - Player)lar orqali musiqalar tinglash, klip va kinolar tomosha qilish mumkin.
Modem – telefon tarmog‘i orqali uzoq masofadagi kompyuterlar bilan aloqa o‘rnatish va ma’lumot almashish, shuningdek INTERNET tarmog‘iga ulanish imkonini beradi. Modemlar ichki (vnutrenniy) va tashqi (vneshniy) modemlarga bo‘linadi. Modemlar ma’lumot uzatish tezligi bilan farqlanadi.