Маҳалладаги хотин-қизлар фаолининг бир ҳафтага мўлжалланган и ш р е ж а с и ҳафтанинг душанба

Маҳалладаги хотин-қизлар фаолининг
бир ҳафтага мўлжалланган
И Ш Р Е Ж А С И


Ҳафтанинг душанба куни – “Ҳамкор ташкилот вакиллари билан ишлаш куни”
1. Маҳалла раиси бошчилигида маҳалладаги муаммолар муҳокамаси юзасидан ўтказиладиган йиғилишда маҳалладаги ҳамкор ташкилот вакиллари, яъни Ҳоким ёрдамчиси, Ёшлар етакчиси, Профилактика инспектори ўзларининг таклифлари билан иштирок этади.
2. Маҳалладаги ҳоким ёрдамчиси ва банк вакиллари билан ҳамкорликда тадбиркорлик фаолиятини бошламоқчи бўлган хотин-қизларга субсидия ҳамда имтиёзли кредитлар ажратилишига кўмаклашади.
3. Ҳамкор ташкилотлар билан биргаликди ногирон фарзандларни тарбиялаётган хотин-қизларни ижтимоий қўллаб-қувватлаш чораларини кўради.
4. Маҳалладаги хотин-қизларнинг 6 та йўналиш бўйича муаммоларини аниқлайди ва бартараф этиш чораларини кўради.
Ҳафтанинг сешанба куни – “Оилалар билан ишлаш куни”
1. Ажрим ёқасига келиб қолган, суд ва ФХДЁ бўлимларига ажрашиш учун ариза берган оилалар билан ишлайди ҳамда уларни яраштириш чораларини кўради.
2. Маҳалладаги хотин-қизларнинг 6 та йўналиш бўйича муаммоларини аниқлайди ва бартараф этиш чораларини кўради.
3. Эрта никоҳ, эрта туғруқ ва қариндошлар ўртасидаги никоҳ каби салбий ҳолатларнинг олдини олиш бўйича тизимли тушунтириш ишларини олиб боради.
4. “Аёллар маслаҳат кенгаши” аъзолари билан биргаликда кенгашга мурожаат қилган хотин-қизларнинг муаммоларини бартараф этиш чораларини кўради.
Ҳафтанинг чоршанба куни – “Ижтимоий ҳимояга муҳтож оилалар билан ишлаш куни”
1. “Аёллар дафтари”га киритилган хотин-қизларга манзилли ёрдамлар кўрсатилиши ва уларнинг муаммоларини бартараф этилишини ташкиллаштиради.
2. Маҳалладаги хотин-қизларнинг 6 та йўналиш бўйича муаммоларини аниқлайди ва бартараф этиш чораларини кўради.
3. Ишсиз хотин-қизларни иқтидори ва қизиқишларидан келиб чиқиб, мавжуд иш ўринларига ҳамда касб-ҳунар ўрганиш истагида бўлганларни тегишли ўқув курсларига йўналтиради.
4. Маҳалладаги хотин-қизлар учун маданий-маърифий, соғломлаштириш тадбирларини ҳамда саёҳатларни ташкил этади.
Ҳафтанинг пайшанба куни – “Жиноятчиликка қарши курашиш ва ҳуқуқбузарликлар профилактикаси куни”
1. Миграциядаги хотин-қизларнинг оилалари билан манзилли чора-тадбирларни амалга оширади ва уларни оиласига қайтариш чораларини кўради.
2. Маҳалладаги хотин-қизларнинг 6 та йўналиш бўйича муаммоларини аниқлайди ва уларни бартараф этиш чораларини кўради.
3. Нотинч ва муаммоли оилалар билан ўтказиладиган профилактик тадбирларда иштирок этиб, муаммони бартараф этиш жараёнларини ташкиллаштиради.
4. Аҳоли муаммоларини ўрганади ва ҳал этишга кўмаклашади. Шунингдек, 70 дан ортиқ ижтимоий хизматларни маҳаллада ташкил этишда иштирок этади.
Ҳафтанинг жума куни – “Ижтимоий қўллаб-қувватлаш ва маънавият куни”
1. “Маънавият оиладан бошланади” мавзусида кўчалар кесимида “Маърифат соати”ни ташкил этади.
2. Маҳалладаги хотин-қизларнинг 6 та йўналиш бўйича муаммоларини аниқлайди ва бартараф этиш чораларини кўради.
3. 5-УЎТМ хотин-қизлар бошланғич ташкилоти билан ҳамкорликда мактабни битирувчи қизлар учун ОТМларга берилаётган имтиёз ва имкониятларни тарғиб қилади.
4. Ижтимоий ҳимоя режасининг ижроси асосида ижтимоий хизматлар ўз вақтида ва сифатли кўрсатилишини назорат қилади.
Ҳафтанинг шанба куни – “Аҳил оила” куни”

1. 
   “Оила – миллий қадриятлар маскани” мавзусида маънавий-маърифий тадбир ташкил этади.
   

2. Турмуш қуриш учун ариза берган ёшларни “Ёшларни оилавий ҳаётга тайёрлаш маркази”даги ўқувларга жалб этади ҳамда тарғибот тадбирларини ташкил этади.
3. Маҳалладаги хотин-қизларнинг 6 та йўналиш бўйича муаммоларини аниқлайди ва бартараф этиш чораларини кўради.
4. Ҳафта мобайнида амалга оширилган ишларни таҳлил қилиб, режалаштирилган, бироқ тўлиқ амалга оширилмаган масалаларни назоратга олади.
5. Кейинги ҳафта давомида амалга ошириладиган ишлар режасини тайёрлайди ва бўлим бошлиғига тасдиқлатади.