М у н д а р и ж а саҳифа бети

Polimerizatordagi qayta aylanuvchi gaz
Etilen, vodorod, propilen yoki buten-1 aralashma holda reaktorlar R-3201 va R-3205 ga truba orqali uzatiladi. Aralashtirgichning uchta stadiyasidan berilgan katalizatorning geksandagi eritmasi reaktorning ostki qismidan kelayotgan gaz oqimi bilan reaksiya davom ettirilib suspenzion polimer aralashmasi hosil bo‘ladi. Polimerlanish vaqtidagi bosim reaktorga berilayotgan uglevodorod bosim bilan aralashgan holda polimerlanib reaktordan chiqayotgan gazlar tarkibini asosan etilen va vodorod tashkil etadi. Polimerlanish reaksiyasi paytidagi ajralib chiqayotgan issiqlikning yarmidan ko‘pi geksanga sarf bo‘ladi. Uchib chiquvchi gazlar va katta xajmdagi par holatdagi geksan birinchi reaktorning yuqori qismida joylashgan E-3201 kondensatorga, 2-reaktorni yuqorisidan E-3204 kondensatoriga yuboriladi kelgan aralashma sovitilib va kondensatga aylantirilib kondensatga aylangan geksan birinchisi uchun V-3207 geksan yig‘uvchi, ikkinchisi uchun V-3211 geksan yig‘uvchi yomkostlarga yig‘iladi va kondensatga aylangan geksan hamda reaktordan ajralib chiqqan gaz kerakli joylarga taqsimlanadi. Reaktordan ajralib chiqqan engil gazlar alohida birinchi reaktordan ajralgan gazlar uchun K-3201 ikkinchi rektordan ajralgan gazlar uchun K-3202 kompressorlar orqali reaktorlarning pastki qismidan temperaturasi rostlangan holda uzatiladi. Bu jarayon polimerlanish jarayonidagi haroratni rostlash uchun ham xizmat qiladi. Kondensatsiyaga uchragan geksan V-3207 va V-3211 yomkostlariga yig‘ilgan bo‘lib, birinchi yomkostdagi geksan (V-3207) P-3205 A yoki B ikkinchi yomkostdagi geksan (V-3211) P-3207 A yoki B nasoslari orqali reaktorlarga beriladi. Kondensat holdagi geksanning bir qismi oqim rostlagich bilan rostlanib reaktorga truba orqali borayotgan gazlarni kerakli tezlikda yuklash uchun ishlatiladi.