M. T. Yulchieva, N. T. Atamuratova

9- rasm. Hosil qiluvchi to‘qima 
 
A.Poya 1- uchki apikal meristema, 2,3-boshlang‘ich kurtak va barglar,B. Ildiz 
4-ildiz g‘ilofi 
 
Uchki  meristemaning  bir  qismidan  asosiy  to‘qima,  prokambiysidan 
o‘tkazuvchi  to‘qima  va  protodermasidan  qoplovchi  to‘qima  hosil 
bo‘ladi. 
Yon  (laterial)meristema-o‘simlik  vegetativ  organlarining  yon 
tomonida  joylashib,  ularni  eniga  o‘sishini  ta’minlaydi.  Kelib  chiqishiga 
ko‘ra  yon  meristemalar  birlamchi  va  ikkilamchi  bo‘ladi.  Birlamchi  yon 
meristemaga  prokambiy  va  peritsikl,  ikkilamchi  yon  meristemaga  esa 
kambiy  va  fellogenlar  kiradi.  Prokambiy  hujayralari    ildiz  va  poyada 
silindrsimon  qavat  hosil  qiladi.  Prokambiy  hujayralari  prozenxima 
shakliga ega bo‘lishi bilan xarakterlanadi.  
       Prokambiy  hujayralarning  bo‘linishi  natijasida  o‘tkazuvchi  va 
mexanik  funksiyani  bajaruvchi  ikkita  doimiy  to‘qima  birlamchi 
yog‘ochlik,  ya’ni  ksilema  va  birlamchi  lub  ya’ni  floema  hosil 
bo‘ladi.  Bir  pallali  o‘simliklarda  prokambiy  butunlay  birlamchi 
floema va birlamchi ksilema hosil bo‘lishiga sarflanadi. Ikki pallali 
o‘simliklarda  prokambiy  hujayralarining  bir  qismi  qayta  bo‘linadi 
va  ikkilamchi  hosil  qiluvchi  to‘qima  -  kambiyga  aylanadi.  Kambiy 
to‘qima hosil qilishda davom etadi va chetga tomon ikkilamchi lub, 

---

66 
 
markazga  tomon  ikkilamchi  yog‘ochlik  hosil  qilib,  natijada 
o‘simlikning  vegetativ organlari  (ildiz,  poya)  o‘sib  yo‘g‘onlashadi. 
Alohida  qoplovchi  to‘qima  po‘kak  hosil  qiluvchi  po‘kak  kambiysi 
(fellogen) ham ikkilamchi meristemaga kiradi.