M. T. Yulchieva, N. T. Atamuratova

Poleotropik  viloyat  Osiyo  va  Afrika  materigidan  tropik  va  subtropik 
viloyatlardan  tortib  Janubiy  Afrika  Kape  viloyatigacha,  Amerika 
(tropigi),  Hindiston,  Xindi-Xitoy,  Indoneziya,  Filippin  va  Polineziya 
orollari va Avstraliya qit’asining shimoli kiradi. Poleotropik viloyatining 
florasini 5 ta kichik viloyatga bo‘lib o‘rganish mumkin. 
Xind  —  Afrika  kichik  viloyat  florasiga:  palmalar,  kofe  daraxti, 
bananlar,  bambuklar,  kamish,  akatsiya,  kaktus,  sutlama  kabi  o‘simliklar 

---

339 
 
xarakterli.  Xind  —  Afrika  kichik  viloyatining  Shimoliy  chegarasi 
Ximolay  tog‘laridan  Arabiston,  Hindiston,  Xindi-Xitoydan  tortib 
Afrikadagi saxroi kabir cho‘lidan Oranj daryolargacha joylashgan. 
Maleziya  kichik  viloyat  florasiga:  sezalpiniya,  fikus,  sagovnik, 
qalampirmunchoq  daraxti,  dolchin  daraxti,  palmalar,  orxisgul  refleziya, 
hasharotxo‘r  o‘simliklar  xarakterlidir.  Bu  viloyat  sholi,  banan, 
shakarkamish, non daraxti va choy kabi o‘simliklar markazi  hisoblanadi. 
Mazkur  viloyat  Shimoli-G‘arbiy  Ximolay  tog‘lari  va  Sharkiy  Xitoyning 
janubiy  chegarasi  bilan  tutashib  Gavai  orollarigacha  cho‘zilgan.  Bunga 
Janubiy  Amerikaga  yakin  joylashgan  orollar  ham  kiradi.  Janubiy 
chegarasi  Avstraliya  floristik  viloyatigacha  tutashgan.  Yangi  Zelandiya 
kichik  viloyatida  o‘simliklar  dunyosi  mezazoy  erasidan  buyon  saqlanib 
qolgan  bo‘lib,  endem  turlarga  boy.  Doim  yashil  subtropik  o‘rmonlarda 
turli  daraxtlar  bilan  bir  qatorda  paporotniklar,  qordimina,  daraxtsimon 
veronika, 50 ga yakin moxlar va 30 ga yaqin lishayniklar ham uchraydi. 
Yangi Zelandiyada texnik o‘simlik sifatida zig‘ir, oziq sifatida orlyak va smola 
olishda kauri daraxti ishlatiladi. Gavayi kichik viloyatiga Sandvich va Gavayi 
kabi  vulkanli  orollar  kiradi.  Bu  viloyatda  keng  tarkalgan  o‘simliklardan 
akatsiyalar, palmalar,  daraxtsimon  paporotniklar, dandanuslar,  metrosideraslar 
uchraydi. Ulardan ko‘pincha texnik moy olinadi. 
Sandving  orollaridagi  o‘simliklarning  93  foizi  endem  hisoblanadi.  Bu 
viloyat  geografik  jihatdan  boshqa  materiklardan  keskin  farq  qilgani  uchun 
o‘simlik turlari ma’lum darajada sof holda saqlanib qolgan. 
Madagaskar  kichik  viloyatiga  Maskaren,  Seytel,  Amirant  va  Kamor 
orolchalari  ham  kiradi.  Bu  viloyatni  53  foiz  o‘simligi  endem  hisoblanadi. 
Ayrim olimlar bu viloyatni Afrika va Xindistonning bir vaqtlar tutashib turgan 
quruqlikning qoldiqlari deb hisoblaydilar. Florasi juda o‘xshash.