M. R. Usmanov Turizm geografiyasi udk 911. 3(575. 13)

San-Paulu
Lotin 
Amerikasining 
eng 
yirik 
shahri 
hisoblanadi. Turistlarga mahalliy «Ionlar qo‗riqxonasi» katta 
qiziqish uyg‗otadi. Bu yerda bozorlarning soni juda ko‗p bo‗lib, 
deyarli hamma narsani xarid qilsa bo‗ladi. Braziliya mamlakatning 
poytaxti bo‗lib, o‗ta zamonaviy shaklda bunyod etilgan. 1960-yili 
bunyod etilgan bu shaharni, ba‘zida «texnopolis» deb ham 
ataydilar. Shaharning bosh me‘mori Oskar Nimeer poytaxtning 
tashqi ko‗rinishini samolyotga o‗xshatgan uning «qanot» qismida 
aholining istiqomat joylari, «burun» qismida esa asosiy hukumat 
binolari joylashgan. Shaharda deyarli chorrahalar yo‗q bo‗lib, 
«qanot»larda avtomobillar juda kam. Mamlakatga qimmatbaho 
elektron buyum olib kirayotgan bo‗lsangiz, uning narxidan 30% 
soliq to‗lashingiz kerak bo‗ladi. Mahalliy xususiyatlardan biri bu 
yerda turli tropik kasalliklar tarqalgan. Shu sabab, Braziliyada 
bo‗lsangiz har xil hashoratlardan ehtiyot bo‗lishingiz hamda 
qaynatilmagan suv ichmasligingiz lozim bo‗ladi. 
Milliy taomlardan «feydjoada» (go‗sht, guruch va karamli 
maxsus ovqat), «uatapa» (dengiz mahsulotlaridan tarkib topgan 
taom) va boshqalar mashhur. Amazoniya mintaqasida hindu 
taomnomasi keng tarqalgan, masalan, «tachapa» deb nomlangan 
go‗shtli taomni 4 kun mobaynida tayyorlaydilar. Ichimliklardan, 
tabiiy hol, kofe juda keng tarqalgan. Spirtli ichimliklardan mahalliy 
pivo «kashasa» va aroq «kaypirina» iste‘mol qilinadi. Braziliyani 
butun dunyoga mashhur qilgan narsa o‗ziga xos quvnoq bayramlar, 
karnavallar. Har yili, fevral oyining ohirida karnavallar bo‗lib o‗tadi. 
Bu bayramlarga butun dunyodan yuz minglab turistlar tashrif 
buyuradilar. Karnavallarda 40 mingtagacha aktyorlar qatnashib, 
ayniqsa «samba» deb ataluvchi raqs juda mashhur bo‗ladi. 
7.5.Karib havzasi subregioni turizmi 
 
 
Karib havzasi subregioniga kiruvchi mamlakatlar turizmi 
bevosita kruiz turizmi, etnoturizm, rekreatsiya turizmi bilan 

---

104 
bog‗liqdir. Bu subregionga Angiliya, Antigua va Barbuda, 
Aruba, Bagam orollari, Barbados, Bermud, Virgin, Kayman 
orollari, Kuba, Dominika, Grenada, Yamayka va boshqa jami 27 
ta orollarda joylashgan davlatlar, hududni o‗z ichiga oladi. 
Ularning xo‗jaligi shakllanishi va rivojlanishida turizmning 
ahamiyati beqiyosdir.