М о р ф о л о г и я сўз туркумлари

The highest mountains are in Asia. Энг баланд тоғлар Осиёдадир.
§ 12. Аниқловчи same бир хил, next, following келаси, last охирги, very худди ўша, only ягона сўзларининг бири билан ифодаланганида, от а н и қ артикл билан ишлатилади, чунки, бундай аниқловчи индивидуаллаштирувчи хисобланади:
I found him in the last carriage of the train. Мен уни поезднинг охирги вагонидан топдим.
You are the very person I need. Сиз айнан менга керак бўлган одамсиз.
This is the only book I have on this question. Бу ушбу масала бўйича мендаги ягона китобдир.
Изох: Next сўзи келаси маъносида next week келаси хафтада, next month келаси ойда, next year келаси йилда каби бирикмаларда артиклсиз ишлатилади. Last сўзи ўтган маъносида last week ўтган хафтада, last month ўтган ойда, last year ўтган йилда каби бирикмаларда артиклсиз ишлатилади. Инглиз тилида ушбу бирикмаларда предлогнинг ишлатилмаслигига хам эътибор беринг.
§ 13. Аниқловчи т а р т и б с о н билан ифодаланганида, от а н и қ артикл билан ишлатилади, чунки, бундай аниқловчи индивидуаллаштирувчи хисобланади (яъни, биринчи, иккинчи учинчи ва х.к. предметлар фақат битта бўлади):
The office is on the second floor. Идора иккинчи қаватда жойлашган.
I took a seat in the third row. Мен учинчи қатордан жой олдим.
Лекин, тартиб сон яна бир, бошқа бир маъносига эга бўлганида, от н о а н и қ артикл билан ишлатилади:
A third man entered the room. Учинчи бир (яна бир) одам хонага кирди. Ушбу гапда одам учинчи бўлиб хонага кирган бўлса хам, сўзловчи унинг нечанчи ўринда кирганига эмас, балки, унинг кейинги бир, яна бир, бошқа бир одам эканлигига эътибор бермоқда.
§ 14. Аниқловчи с а н о қ с о н билан ифодаланганида, от а р т и к л с и з ишлатилади:
Two men entered the room. Хонага иккита одам кирди.
Гап олдинроқ айтиб ўтилган предметлар хақида борганида эса, от а н и қ артикл билан ишлатилади (умумий қоидага асосан), бунда the two ушбу иккала, the three ушбу уччала ва х.к. каби таржима қилинади:
Trade between Russia and Germany is steadily growing. The exchange of goods between the two countries greatly increased in 2010. Россия ва Германия ўртасидаги савдо мунтазам ўсиб бормоқда. Ушбу икки мамлакат ўртасидаги товар айирбошлаш 2010 йилда сезиларли даражада ўсди.