M. Ma’murova O‘zbekiston Respublikasi Oliy va o‘rta maxsus ta’lim Vazirligi

Umum ta’lim maktablarida Mazkur magistrlik dissertatsiyasidan kelib chiqqan holda biz keys-stadi texnalogiyasi qo’llash imkoniyatlari va vazifalari o‘qitishda ilmiy pedagogik asoslarini tahlil qildik.

Olib borgan kuzatish ishlarimiz shuni ko‘rsatadiki, keys-stadi texnologiyasi ta’lim jarayoniga nisbatan yaqinda kirib keldi va pedagoglar tomonidan faoliyatga keng joriy qiliniyapti. Keys-stadi texnologiyasi asosini ta’lim jarayoniga joriy etishda, o‘quvchilarning kasbiy faoliyati bilan bog’liq vaziyatlar va ularning tahlili tashkil qiladi. O‘quvchilar muayyan vaziyatlarni har tomonlama o‘rganadilar. O‘z navbatida ular faol fikrlaydilar, nazariy mashg’ulotlarda o‘zlashtirilgan bilimlarni mustaqil o‘rganish davomida to‘plangan ma’lumotlari bilan taqqoslaydilar, shaxsiy tajribalariga murojaat qiladilar.


Tadqiqotning maqsadi: Umum ta’lim maktablarida ta’lim jarayonini tashkil qilishda faoliyat sifat-samaradorligiga ta’sir qiluvchi omillarni ilmiy-pedagogik jihatdan asoblab berish, shuningdek, pedagogik fanlarni o‘qitish jarayonida keys-stadi texnologiyasidan samarali foydalanish bo‘yicha ilmiy-uslubiy tavsiyalarni ishlab chiqishdan iborat.

Tadqiqot predmeti: Magistrlik dissertatsiya ishining predmenti umum ta’lim maktablarida keys-stadi texnalogiyasini o‘qitish jarayoni, shakllari, metodlari va vositalari hisoblanadi. 

Tadqiqot ob’ekti: Magistrlik dissertatsiya ishning mavzusi bevosita ta’lim jarayoni nazariyasi va amaliyoti bilan bo‘g’liq va tadqiqot ob’ekti didaktik jarayon hisoblanadi.

Tadqiqot metodlari: Adabiyotlarni tahlil qilish, kuzatish, suhbat, statistik ma’lumotlar bilan ishlash, ilmiy, ilmiy-uslubiy manbalar bilan ishlash, eksperiment, ilg’or pedagoglar tajribalarini tahlil qilishdan iborat.