M. M. Axmetjanov, sh sh. Olimov, S. S. Avezov. P e d a g o g I k mahorat

8. O`z-o`zini motivlashtirish strategiyasi quyidagilardan iborat: 
1) Strategiya: uzoq muddatli kelajak uchun reja tuzing. 
2) SHeriklik: o`qish bo`yicha tanlangan sherik olganiga yarasha biror narsa
beradigan bo`lsin. 
3) Tarkiblashtirish: mashg`ulotlarni doim bir xil vaqt: soat, kun, haftada 
o`tkazing. 
4) Taxminiy rejalash: o`qishdan ko`zlagan maqsad va vazifalaringizni umumiy 
tarzda aniqlang. 
5) Motiv: o`qish mazmunini qanday qilib bugungi - ertangi kasbiy 
amaliyotingiz, yoki shunchaki, kundalik turmushingiz bilan uyg`unlashtira 
olishingizni aniqlang. 
6)Asta-sekinlik: o`qitish mazmunini oson o`rtacha va qiyin 
o`zlashtiriladigan qismlarga ajrating va uni o`zlashtirishni dastlab o`rtacha 
qiyinlikdagi, so`ngra qiyin va nihoyat eng oson qismini o`zlashtiring. 
7) Qo`shimcha: o`qiyotgan materialga o`zingizning izohlaringiz va tarkibiy 
sxemalar bilan qo`shimchalar kiriting. Ehtimol, kimdir jur`at qilib bu haqda 
bahslashar. 
8) Mukofot: topshiriqni bajarib bo`lgandan so`ng o`zingizga o`zingiz 
yoqimli so`zlar ayting. 
9) Kengaytirish: sizga qiziqarli bo`lgan ayrim mavzularga oid qo`shimcha
adabiyotlar o`qing, yoki uni o`rtoqlaringiz va o`qituvchilar bilan muhokoma qiling. 

---

292 
10) Tejamkorlik: bilim puxta bo`lishi uchun, o`quv materialining asosiy 
mazmunini takrorlang, o`tilgan materialni mashqlar yordamida mustahkamlang.