M. M. Abralov payvandlash materiallari

Texnik talablar

Elektrodlar ГОСТ 9466-75 talablariga muvofiq tayyorlanishi, elektrodlar sterjenlari elektrodlar tayyorlashga mo‗ljallangan po‗latdan qilingan payvandlash simidan yasalgan bo‗lishi kerak. Elektrodlar qoplamasi bir jinsli, zich, mustahkam, shishgan, uzilgan joylarsiz, bo‗qoqlarsiz bo‗lishi zarur, ularning sirtida me‘yorlar doirasida qilsimon darzlar bo‗lishiga ruxsat etiladi. Elektrodlar quyidagi balandlikdan sillik po‗lat plastinaga yoni bilan erkin tushib ketganda qoplamasi buzilmasligi lozim: diametri 4mm dan kichik elektrodlar uchun 1m; diametri 4mm va bundan katta elektrodlar uchun 0,5m. Tayyorlovchi bilan iste‘molchining kelishuviga binoan 5mm dan katta diametrli elektrodlar uchun tushish balandligi 0,3m gacha kamaytirilishi mumkin.

Elektrodlarning payvandlash-texnologik xossalari quyidagi talablarni qanoatlantirmog‗i lozim:

• 
  yoy oson uyg‗otilishi va barqaror yonishi kerak;
  
• 
  qoplama bir tekis, haddan tashqari sachramasdan, bo‗laklarga ajralmasdan g‗ilof yoki bo‗g‗ot hosil bo‗lmasdan erimog‗i zarur, chunki bu nuqsonlar barcha fazoviy holatlarda payvandlash vaqti- da elektrodning yaxshi erishiga to‗sqinlik qiladi;
  
• 
  payvandlashda yuzaga keluvchi shlak chok valiklari to‗g‗ri shakllanishini ta‘minlashi va sovigandan so‗ng oson ajralishi darkor;
  
• 
  chok metallida, shuningdek elektrodlar bilan payvandlashga mo‗ljallangan elektrodlar bilan eritib qoplangan metallda darzlar, uzil- gan joylar va sirtqi g‗ovaklar bo‗lmasligi kerak;
  
• 
  chok metallining mexanik xossalari ГОСТ 9466-75 talablariga javob bermog‗i lozim;
  
• 
  qoplamadan odam salomatligi uchun zararli gazlar ajralmasligi za-
  

rur.

2. Elektrod qoplamalarining turlari

Asosan po‗latlarni ey yordamida payvandlashga mo‗ljallangan elektrodlarning sanoatda ishlab chiqariladigan qoplamalarini payvandlash vannasidagi metallurgik ta‘siriga ko‗ra ushbu asosiy turlarga tasniflash mumkin.