M. Lyusherning ranglarni tanlash testi

 M.Lyusherning ranglarni tanlash testi.
Reja:

1. 
   KIRISH.
   
2. 
   ASOSIY QISIM.
   

1. 
   6-7 yoshli o’quvchilar xarakter xususiyatlarini tadqiq qilish metodlari
   
2. 
   M. Lyusherning Ranglar testi
   
3. 
   Test natijalari tahlili
   

3. 
   XULOSA.
   
4. 
   FOYDALANILGAN ADABIYOTLAR.
   

Hozirgi davrda psixologik bilim va ko`nikmalarga nisbatan ehtiyojning kuchayishi natijasida ijtimoiy hayotning barcha jabhalarida psixologik usullardan foydalanish zarurati tug`ilgan. Tevarak atrofdagilar bilan, yaqin kishilar, do`st-birodarlar bilan o`zaro munosabatda bo`lish kishidan psixologik bilimdonlikni talab qilmoqda. Buning uchun asosiy maqsadi – inson o`zligini yaxshiroq anglash uchun, shaxsiy xususiyatlarini bilish va yashash sharoitida, ish faoliyatida, umuman hayotda o`z o`rnini to’g`ri topish va munosabatlarini to`g`ri yo`naltira olishga yordam berish hisoblanadi.

Psixologik usullarga odatda kishilar turlicha munosabatda bo`ladilar va yondoshadilar. Kimdir, jiddiy e`tibor beradi, kimdir ermak uchun, yana ishonqiramasdan, yoki tanqidiy ko`z bilan va hokazo. Zero, ularning ko`pchiligida shaxsiy xususiyatlarga, ayniqsa, xarakter xislatlarga qiziqish mavjud bo`ladi. Psixologik nuqtai nazardan aytilganda, o`zimizni yaxshiroq bilsak, boshqalarni to`g`riroq tushuna olamiz.Psixologik diagnostikada shaxsni o`rganishda turli maxsus metodikalardan foydalanish bilan birga shaxsning qiziqishlariga, ehtiyojlariga, uning atrofidagi odamlar bilan munosabatiga va boshqalarga tegishli savonomalar ham keng qo`llaniladi. Savolnomalar yordamida tadqiqot o`tkazish eksperimental psixodiagnostik tekshiruv o`rnini bosmaydi, ularni to`ldiradi, chuqurlashtirishi mumkin.

Bolalarni tekshirishda foydalanish o`z xususiyatlariga ega. Masalan: bola mustaqil ravishda savolnoma kog`ozini to`ldirishi mumkin emas, chunki savolni noto`g`ri tushunib, noto`g`ri javob berishlari mumkin. Tadqiqotchi bolani savol bilan tanishtiradi, uning ma`nosini tushuntiradi, shundan so`ng javobni maxsus qog`ozga belgilab qo`yadi.

Kattalarda bu turlicha bo`lishi mumkin. Ya`ni kimlardir savollarni o`zi o`qib javob bersa, ba`zilari unga savollarni tadqiqotchi o`qib berishlarini ma`qul ko`radi. Sinaluvchilarning metodikalarga bunday munosabatlari ularning qanday tiplarga mansubligidan darak beradi. Bunda shaxsning audial, vizual, kinestet (yoki sinzetiv) xususiyatlari namoyon bo`ladi.