М. Исомов, ф ф. н., доцент 1-маъруза: Фалсафанинг фан ва дунёқарашга оид моҳияти

8. Фалсафа фанининг бугунги вазифалари.
Янги Ўзбекистон даврида бу борада жуда кенг кўламли ишлар бошлаб юборилди. Бугун ижтимоий фанлар ривожини замон талаблари даражасига етказиш борасида давлат ва жамоат ташкилотлари, олим ва зиёлилар олдида ғоятда масъулиятли вазифалар турибди. Бугунги кунда сиёсий, мафкуравий ва маънавий соҳалардаги тараққиёт вазифалари ўзаро уйғунлашиб бормоқда, таъсир доираси анча кенгаймоқда. Айниқса, мафкура борасидаги назарий фаолият, тарғибот ва ташвиқотни ҳар томонлама кучайтиришга алоҳида аҳамият бериш заруратга айланиб бормоқда.
Фалсафий дунёқараш тизимини шакллантириш ва ривожлантириш учун муайян имкониятларга эга. Улар қуйидагиларда айниқса яққол намоён бўлади: биринчидан, мамлакатимизда ижтимоий-сиёсий барқарорлик ўрнатилган; иккинчидан, аҳолининг сиёсий, иқтисодий, маънавий ҳақ-ҳуқуқлари қонуний асосда кафолатланган; учинчидан, жамиятнинг барча соҳаларини демократлаштириш ва эркинлаштириш давлат сиёсати даражасига кўтарилмоқда; тўртинчидан, мамлакат аҳолисининг маънавий-маърифий салоҳиятини ривожлантириш устувор аҳамият касб этган.
Буларнинг барчаси фалсафий дунёқарашни шакллантириш вазифаларини самарали ҳал қилишга асос бўлмоқда. Галдаги вазифалар эса, ана шу имкониятларни амалий ишга айлантиришда ҳар биримиз ўз масъуллигимизни қай даражада сезишимиз ва қандай фаолият юритишимизга боғлиқ.
Мустақил ишлаш учун савол ва топшириқлар

1. 
   Қандай муаммолар фалсафий муаммолар деб аталади.?
   
2. 
   Мифологик дунёқарашнинг ўзига хос жиҳатларини айтинг.
   
3. 
   Фалсафий дунёқарашнинг мифологик ва диний дунёқарашдан асосий фарқи нимада?
   
4. 
   Фалсафа нимани ўргатади?
   
5. 
   Фалсафа ва фаннинг ўзаро нисбати қандай?
   
6. 
   Дунёқарашнинг асосий тарихий шаклларини таърифланг.
   
7. 
   “Янги Ўзбекистон даври” тушинчасини сиз қандай таърифлаб берасиз?
   
8. 
   Ҳозирги кунда фалсафа қандай вазифаларни ҳал қилмоқда?
   

Реферат мавзулари
1. Дунёқараш ва унинг шакллари.
2. Фалсафанинг предмети ва унинг жамиятдаги роли.
3. Фалсафа таркибий қисмларининг ўзаро алоқадаорлиги.
4. Фалсафанинг асосий функциялари.
5. Инсониятнинг муҳим муаммоларини ҳао қилишда фалсафанинг роли.