M. F. Ziyayeva, O. Z. Rizayeva

Profilaktikasi.  Revmatizmning  birlamchi  profilaktikasi, 
bolani  chiniqtirib  borish,  sport  bilan  me’yorida  shug‘ullanib 
turish,  mehnat  qilish  va  dam  olishni  to‘g‘ri  rejalashtirish, 
vitaminlarga boy ovqatlar bilan bekamu ko‘st ovqatlanib borish, 
toza havodan mumkin qadar ko‘proq bahramand bo‘lishni o‘z 
ichiga oladi. Revmatizmning ikkilamchi profilaktikasi  quyida-
gilarni:  1)  to‘g‘ri  rejalashtrilgan  dispanserizatsiyani;  2)  ikki-
lamchi  infeksiyalardan  saqlanish  va  kasalliklarni  oz  vaqtida 
davolash;  3)  revmatizmning  qo‘zishiga  yo‘l  qo‘ymaslik  uchun 
bitsillin bilan profilaktika qilib borishni o‘z ichiga oladi. So‘nggi 
yillarda yil davomida bitsillin-5 tayinlash yaxshi natijalarga olib 
kelmoqda  (maktabgacha  yoshdagi  bolalarga  750000  TB-2 
haftada bir marta, 7 yoshdan katta bolalarga 1200000-1500000 
TB dan 4 haftada bir marta). Shuningdek, bahor va kuzda 1-
1,5  oy  davomida  (mart-aprel  va  oktabr-noyabr  oylarida) 
atsetilsalitsilat kislotasi buyuriladi. Bitsillin-5 – bolaga 2-3 yil 
davomida uzluksiz qo‘llanib boriladi.