M. F. Ziyayeva, O. Z. Rizayeva

7. Kataral vulvovaginit – ba’zi yangi tug‘ilgan qiz bolalarda 
(5-10%)  onasining  follikulyar  gormonlari  ta’sirida  jinsiy 
yoriqlaridan  shilimshiq  yoki  qon  aralashgan  suyuqlik  ajralib 
chiqishi,  vulvaning  va  jinsiy  a’zolarining  shishib  turishi  kuza-
tiladi. Bu holat aksariyat hollarda bola hayotining 5-7-kunlari 
kuzatiladi va taxminan, 1-2 kun davom etadi. Bunda chaqaloq-
ning  tagini  kaliy  permanganatning  kuchsiz  eritmasi  bilan 
ehtiyotlik bilan yuvib turiladi.
 
8.  Vaznning  fiziologik  tushishi – yangi tug‘ilgan chaqaloq-
larning hammasida kuzatiladi va tug‘ilgandagi og‘irligining 3-
10%  ni  tashkil  qiladi.  Vaznning  eng  ko‘p  tushishi  bola 
hayotining  3-4-kuniga  to‘g‘ri  keladi.  Aksariyat  chaqaloqlar 
dastlabki  vaznini  hayotining  10-kunlarida,  ba’zilari  esa  kechi 
bilan  15  kunda  qayta  tiklaydi.  Vaznning  fiziologik  tushishiga 
sabab,  bolaning  dastlabki  kunlarda  ovqatga  yolchimasligi,  teri 

---

 
81 
va o‘pka orqali suv chiqib ketishi, birinchi marta siyish va ich 
qilish bilan suv yo‘qotish, ichiladigan va chiqariladigan suyuqlik 
miqdorining bir-biriga mos kelmasligi, qog‘onoq suvlar yutilgan 
bo‘lsa  qayt  qilish  bilan  chiqarib  yuborilishi  va  kindik 
qoldig‘ining qurishidan namun
а yo‘qotishi kabilar hisoblanadi.