M. F. Ziyayeva, O. Z. Rizayeva

Hamshiralik  tashxislari.  Qorin  og‘riqlari,  burundan  qon 
ketishi, bachadondan qon ketishi, injiqlik, ko‘z sklerasiga qon 
quyilishid
аn bоlаlаrning qiynаlishi.
 
Qo‘shimcha tekshiruvlar. Qonning kengaytirilgan tahlili, qon 
oqish  vaqti  va  qon  ivuvchanligini  aniqlash,  qondagi 
trombotsitlar  miqdorini  aniqlash,  to‘r  pardani  tekshirish  va 
hokazolar.
 
Davolash  va  h
аmshirаlik parvarishi. Qon keta boshlaganda 
qonni  to‘xtatishga  yordam  beradigan  vositalarning  hammasi-
dan, jumladan, tamponada va boshqa jarrohlik chora-tadbirlar 
bilan  bir  qatorda  mahalliy  qon  to‘xtatuvchi  vositalardan  ham 
foydalanish  kerak.  Mahalliy  qon  to‘xtatuvchi  vositalar 
tariqasida trombin, gemostatik bulut, ayol sutiga, yangi plazma 
yoki  zardobga,  adrenalin  eritmasiga  ho‘llangan  tamponlar 
ishlatiladi.
 
Umumiy ta’sir ko‘rsatuvchi vositalardan 10% li  kalsiy glyu-
konat  eritmasidan,  yo  bo‘lmasa,  10%  li  natriy  xlorid  eritma-
sidan  10  ml  ni  venadan  yuborish,  katta  dozalardagi  (300-500 

---

 
194 
mg)  askorbinat  kislotani  venadan  yuborish,  vikasol  va 
aminokapron kislotalardan buyuriladi.
 
Steroid gormonlar – prednizolon qo‘llaniladi (klinik-gema-
tologik jihatdan remissiya boshlanguncha sutkasiga 1,5-2 mg/kg 
dozada).