M. Dáwletov, e. Dáwenov, D. SeyDUllAevA

§ 2.  Dialog  hám  onıń  irkilis  belgileri
12-shınıǵıw.  Úzindini  oqıń.  Bul  úzindiniń  neshe  adamnıń 
gápi  ekenligine  hám  onıń  qanday  gápke  uqsas  keletuǵınlıǵına 
dıqqat  etiń,  qurılısı  boyınsha  qanday  gáp  ekenligin  anıqlań. 
— Há  jeńge,  bul  men.  Qorıqpa! — dedi  ishke  kirgen 
adam. 
— Endi  tanıdıńız  ba,  meniń  kim  ekenligimdi?  Onıń 
sorawına  birazǵa  shekem  hesh  bende  juwap  qaytarmadı.
— Tanıp  tursız  ǵoy  meniń  kim  ekenligimdi? — dedi  ol 
taǵı.
— Ne  qılamız  tanısaq? — dep  gúńk  etti  darǵanıń  hayalı.
— Is  qıstaw!...
http://eduportal.uz

---

14
— Jumısıńdı  ayt  sonda?
— Usı  úydegi  jeńgey  kerek  edi.
— Bul  úyde  jeńgey  ekew.
— Qaysısı  sonıń?
— Tómennen  kelgen  jeńgeydi  aytaman.
— Awa,  ayta  ber, — dep  shırt  ete  qaldı  Sahibjamal  sol 
máhálde.
— Meniń  nege  kelip  turǵanımdı  bilersiz  deymen?
— Heshqanday.  Biyxabarman.  Ne  ózi?
— Bir  zárúr  jumısım  bar  deppedim?
— Awa,  awa! ...  Aytıp  edińiz.  Ne  islewim  kerek? — dep 
hawalaqlandı  Sahibjamal.
— Sabır  qılıń  azıraq, — dedi  de  Sahibjamal  urman-
purman  kiyinip,  onıń  izine  eriw  menen  boldı.  (Ó.X.)
Eki  yamasa  birneshe  adamnıń  sóylesiwine  dialog  dep 
ataladı.  Dialoglar  gáp  túrinde  beriledi.  Dialogtaǵı  hárbir 
adamnıń  soraw-juwap  túrindegi  gápi  replika  delinedi.
Dialogta  aytılǵan  hárbir  adamnıń  gápi  jańa  joldan 
baslanıp  jazıladı  da,  aldınan  sızıqsha  qoyıladı.  Soraw-
juwap  túrindegi  gáplerden  keyin  aytılıw  maqsetine  qaray 
noqat,  soraw,  úndew  belgileri  qoyıladı.  Eger  dialoglar 
tuwra  gáp  bolıp  kelse,  tuwra  gápke  qatnaslı  irkilis 
belgileri  qoyıladı.  Mısalı:
— Aysholpan,  Joldastı  qorqıtıp  alarmız,  júr  kettik.
— Erte  emes  pe?
— Aeroportqa  jayaw  jetemen  degenshe  kóp  waqıt 
ótedi.
— Júr  endi.
— Jaqsı,  baramız, — dedi  Joldas.
— Aǵań  kiyatır.
— Aǵam?
— Awa,  aǵań  kiyatır.
— Qayda?
Joldas  bunnan  keyin  úndemedi.  (J.A.)