M. Dáwletov, e. Dáwenov, D. SeyDUllAevA

§ 6.  Shıǵarma  jumısına  epigraf  tańlaw
Epigraf — grekshe  sóz  bolıp,  bizińshe  «ústine  jazılǵan 
jazıw»  degen  máni  beredi.  Epigraf — shıǵarmanıń  qısqa-
sha  mazmunın,  ideyasın  bildiriw  ushın  jazılatuǵın  sóz 
yaki  gáp.  Shıǵarma  jazıwda  epigraf  bolıwı  shártli  emes, 
http://eduportal.uz

---

21
onı  qollanıw  avtordıń  erkinde,  solay  bolsa  da  shıǵarma-
nıń  mazmunına  tolıq  juwap  beretuǵın  dál  epigraf  tawıp 
qoyılsa,  onda  ol  avtordıń  sheberligin  bildiredi  hám 
shıǵarmanıń  kórkemliligin  arttırıwǵa  xızmet  etedi. 
Epigraf  jobadan  keyin,  shıǵarmanıń  tekstinen  burın, 
dápterdiń  oń  tárepine  ortasınan  baslap  aqırına  deyin   
jazıladı.  Epigraftan  soń  (eger  soraw  yaki  úndew  gáp 
bolmasa)  ádette  noqat  belgisi  qoyıladı.  Avtordıń  ismi 
epigraftan  sońǵı  qatarda  qawıs  ishine  jazıladı.  Shıǵarma 
jazǵanda  epigraftıń  ózi  jazılǵanı  menen  epigraf  sózi 
jazılmaydı,  onıń  ornına  hám  jazılıw  tártibine  qarap  ta 
epigraf  ekenligi  belgili  bolıp  turadı.
23-shınıǵıw.  Úlgilerden  paydalanıp  shıǵarma  jazıń  yamasa  hár 
túrli  mazmundaǵı  tekstlerden  úzindiler  keltiriń.