M. Dáwletov, e. Dáwenov, D. SeyDUllAevA

§ 11.  Sóz  dizbegi  haqqında  túsinik
50-shınıǵıw.  Oqıń.  Berilgen  tolıq  mánili  sózlerdiń  dizbegine 
dıqqat  etiń.  Olardıń  qanday  grammatikalıq  qurallar  arqalı  bayla-
nısqanın  anıqlań. 
Tawdıń  kórinisi,  kóldiń  suwı,  tereklerdiń  japıraǵı,  mek-
tepten  qaytıw,  salını  suwǵarıw,  atızda  islew,  qálem  menen 
jazıw,  awılǵa  barıw,  taza  suw,  tez  sóyledi,  qayta-qayta 
qaradı,  silpilep  jawdı,  házir  keldi,  gúldir-gúldir  kisnedi.
http://eduportal.uz

---

39
Sóz  dizbegi  eń  kemi  eki  yamasa  birneshe  mánili 
sózlerdiń  grammatikalıq  baylanısınan  dúziledi.  Sóz  diz-
beginiń  quramındaǵı  sózlerdiń  birewi  (dáslepkisi)  baǵı-
nıńqı,  ekinshisi  baǵındırıwshı  (bas)  sóz  bolıp  qurıladı. 
Baǵınıńqı  sóz  bas  sóz  benen  mánilik  baylanısqa  túsedi.
Sóz  dizbegi  óz  aldına  sintaksislik  birlik  dep  qaral-
ǵan  menen,  kóbinese  gáp  ishinde  qollanıladı.  Mısalı: 
Awıldıń  sulıw  kórinisi  meni  uzaqtan  ózine  tarttı. 
(«Q.J.»)  Bul  gáptegi  sózler  tómendegi  sóz  dizbeklerine 
tallanadı: