M. Dáwletov, e. Dáwenov, D. SeyDUllAevA

49-shınıǵıw.  Tekstti  oqıń.  Mazmunına  ılayıq  onıń  temasın 
tàbıń.  Usı  tekstten  paydalanıp,  «Báhár kórinisi»  temasında  kishi 
shıǵarma  jazıń.
http://eduportal.uz

---

37
Tuwılǵan  awılım — gózzallıqlarǵa,  shadlıqlarǵa  tolǵan  má-
kan.  Sendegi  ótken  balalıǵım,  shoqlıǵım  bári-bári  júregimde 
altın  sıya  menen  jazılǵan.
Báhárdiń  keliwi  menen  awılım  jáne  de  ózgeredi.  Terek-
lerdiń  sulıw  japıraqları,  miywe  aǵashlarınıń  zeynińdi  ashatu-
ǵın  gúlleri,  jerdegi  gilem  kibi  tóselgen  kók  shópler  misli 
jánnetke  usap  ketedi.  Ásirese,  diyqan  babalarımızdıń,  qolı 
gúl  baǵmanlarımızdıń  tikken  nálleri  úlken  baǵ  bolıp,  onda 
sayraǵan  búlbúllerdiń  shoq  namaları,  átshóklerdiń,  ópepekler-
diń,  qarlıǵashlardıń  jáne  de  báhár  quslarınıń  hawada  sharq 
urıp  ushıwları  seniń  kórkińe  kórik  qosadı.  Jap-salmalardaǵı 
máwjirep  tolıp  aǵıp  atırǵan  ılay  suwlar,  jerine  tuqım  sewip, 
bar  ıqlasın  jerge,  tábiyatqa  bergen  márt  diyqan  jigitlerdiń  is-
lerin  kórip,  iske  sát,  diyqanlarım, — degiń  keledi.  Sáwlesin 
jerge  tógip,  tábiyattı  jılıtqan  sulıw  quyashqa  qarap,  kewlińde 
ana  tábiyatqa  degen  gózzallıq  sezim  oyanadı.  Usınday  báhár 
aylarında  toǵayǵa  barıp,  ol  jerdegi  jabayı  shóplerdiń  búrtik 
shıǵarıwın  tamashalaw,  ana  tábiyattıń  ózi  jaratqan  sayamanlı 
terekleriniń  astında  taza  hawadan  dem  alǵanǵa  ne  jetedi. 
Qoyıw  qara  taldıń  sayasındaǵı  aǵash  sıpada  átkónshek  terbe-
tip,  búlbúlge  hawaz  qosqan  ananıń  gózzal  tulǵası  seniń  su-
lıwlıǵıńa  jáne  de  kórik  qosadı.  Misli  bir  dúnyadaǵı  ján-
netseń,  meniń  awılım.  «Q.J.»