M. DÁWletov, A. DÁWletov, Z. IsMAylova, A. DÁWletova

93-shınıǵıw.
 
Úyge tapsırma
. Kóshirip jazıń. Janapaylardıń 
jazılıwına dıqqat etip, olardıń bólek, defis arqalı hám qosılıp jazılıw 
ózgesheliklerin aytıń. Defis penen jazılatuǵın janapaylardı ózleriń 
dúzep jazıń. 
1. — Ómirbekke jarıspay-aq qoy, yashullı?— dedi ol. 2. Sen 
de Ómirbek bol-á. Egindi ayap jeńil ayaq bolayın degeni 
ǵoy. 3. Digildik bolıpsań-á. 4. Degen menen, jalańayaq júriwge 
bolmaydı ǵoy. 5. Áy, toba-ay... Ne isleysiz? 6. Há demey-aq 
ol jıynalǵanlarǵa jetip keldi. 7. — Aldasa, Yusipti aldaptı-dá. 
(S. S.) 
8. —Uǵıp turman-aw,—dep mıńǵırladı Tawman. 
94-shınıǵıw.
Berilgen gáplerdegi qaysı sózlerde 
ma, me, (ba, be, 
pa, pe)
hám 
mı, mi, bı, bi
soraw janapaylarınıń ornın almastırıwǵa 
boladı, qaysılarında orın almastırıwǵa bolmaydı. Olardıń jazılıwına 
itibar beriń.
1. Bir jola maǵan sol Babaxan bay jóninde aytıp bergen-
siz be? 2. Sol xabardı esitippiseń, elden bir úy kóshkenine 
arıń kele me? 3. Arza berip ketken joqpısań? 4. Abaylap qara, 
bul seniń ákeń minetuǵın mashina emes pe? 5. Azmaz dem 
alamısań? 6. — Saw bolıńlar, — dedi ǵarrı olardıń sorawın álik 
alıp, júrmeysizler me? 7. — Way, Atamurat, senbiseń?! Mınaw 
attı min de qalaǵa shap! 
(T. Q.)
8. Barıńa, joǵıńa qaraytuǵın 
kún bolar ma eken? 9. Márdikar bereseń be, joq pa? 
(Q. A.)
10. Qurı barıp kelgen menen múyiz shıǵarasań ba? 11. Son-
nan kelisim bermegende ne qılasań? Topıraqqa ot qoyasań 
ba? 12. Eń bolmasa, bir zaman kósilip jatqannıń ráhátin 
aytpaysań ba? 13. Sen sharshaǵanda men sharshamadım 
ba? 14. Turdımurat aǵań qızıq kitap jiberetuǵın jerde me? 
15. Mına qızlarǵa «qosqa kir» dep mirát etpeyseń be? 
(M. N.)

---

53