M. A. Xujamberdiyev

 
OSHQOZON-ICHAKDAN QON KETISHINI DIFFERENSIATSIYA
QILISH VA DAVOLASH
64-masalaga javob.
1. O‘sma va yara kasalligida oshqozon-ichakdan (anamnezida bu 
kasalliklar bo‘lmasa ham) qon ketishi mumkin. Gipoxrom kamqonlikda kon zardobida temir 
miqdorining kam bo‘lishi temir yetishmasligidan kelib chiqqan kamqonlik borligini ko‘rsatadi. 
Bu kamqonlik surunkali qon ketishidan (burun, oshqozon-ichak va boshdan) paydo bo‘lib, 
qayerdan qon ketayotganligini ko‘rsatmaydi. Bemorning qarindoshlarida qon ketish 
alomatlarining borligi va bemorning tez-tez burni konab turishi irsiyat orqali o‘tuvchi 
teleangioektaziya (Rand — Osler) kasalligi borligini ko‘rsatadi, bunda oshkozon shilliq qavati 
zararlanib, qon oqishi kuzatiladi. 
2. Teleangioektaziya borligini aniqlash uchun quloq-burun-tomok vrachi ko‘rishi 
(ko‘pincha teleangioektaziya burun shilliq qavatida kuzatiladi) va gastroskopiya qilishi kerak. 
65-masalaga javob.
1. Najas bilan uzgarmagan yoki kam o‘zgargan qon to‘g‘ri yoki 
yo‘g‘on ichakdan oqayotgan hisoblanadi. Hazm a’zolarining yuqori qismidan (qizilo‘ngach, 
oshqozon va ichakning yuqori qismidan) qon oqayotgan bo‘lsa, unda najas qora rangda bo‘ladi. 
O‘sma kasalligida, ichakning nospetsifik yara kasalligida, Krona kasalligida yo‘g‘on ichakdan 
kon oqishi mumkin. 
2. Bemorning axlatida o‘zgarmagan qon bo‘lishi qonning yo‘g‘on ichakdan ketayotganini 
ko‘rsatadi, bunday bemorni kolonoskopda tekshirish kerak. Kolonoskopda yo‘g‘on ichakdagi 
turli kasalliklar (o‘sma, yara va boshqalar) aniklanadi. Qonda gemoglobinning bir oz kamayishi, 
yurak stishmovchiligi belgilarining bo‘lmasligi va qon aylanishi buzilmaganligi uchun qon va 
uning o‘rnini bosuvchi dorilar buyurilmaydi. Temir yetishmasligidan kelib chiqqan kamqonlikni 
davolash uchun temir preparatlari bilan birga asosiy kasallikni davolash kerak. 

---