М а р к е т и н г асосий маркетинг тушунчалари ва замонавий сўзларининг қисқача изоҳли луғати

Маркетинг таҳлили (marketing analysis) – бу корхонани бозор имкониятларини, ўтказилган маркетинг чора-тадбирларини, бозор билан боғлиқ бўлган омилларни, шу жумладан, унинг ташқи ва ички маркетинг муҳитини ҳамда бозордаги рақобатбардошлик ҳолати, тактикаси ва стратегиясини баҳолашдир.
Маркетинг воситалари (marketing tools) – бу ишлаб чиқарувчи корхоналарга истеъмолчилар учун зарур бўлган маҳсулотларни силжитиш, етказиб бериш ва уларни сотишга бевосита ёрдам берувчи юридик ва жисмоний шахслардир.
Улар қуйидагилардир: савдо воситачилари (улгуржи ва чакана сотувчилар);
Товар ҳаракатини амалга оширувчи фирмалар (омбор ва транспорт фирмалари);
Маркетинг хизматини кўрсатувчи агентликлар ва молия воситачилари (банк, кредит, суғурта ва бошқа ташкилотлар).
Маркетинг коммуникацияси комплекси (marketing communication complex) – бу реклама, жамоатчилик билан алоқалар (паблик-рилейшнз, PR-пиар), шахсий сотув, сотувни рағбатлантириш ва тўғридан-тўғри маркетинг воситаларидан (элементларидан) иборатдир.
Маркетологлар гильдияси (Guild of Experts in marketing) - бу физик шахслар ҳамда мутахассисларни маркетинг соҳасидаги профессионал бирлашмасидир: илмий ходимлар, маркетинг ўқитувчилари, тадқиқотчилар, маслаҳатчилар, уларни профессионал манфаатлари ва нотижорат ҳамкорлигини ҳимоя қилувчи маркетинг хизмати раҳбарлари.
Маслоу мотивация назарияси (Maslow’s theory of motivation) – бу истеъмолчилар хулқ-атворини таҳлил қилишда қўлланиладиган, асосий принциплар ва ёндашувлар йиғиндисидир. Ушбу назария нега инсонлар ўзларининг хулқ-атвори мотиви сифатида маълум бир вақтда, маълум бир эҳтиёжларга эга бўлишлигини тушунтириб беради. Абрахам Маслоу эҳтиёжларнинг иерархияси (зинапояси) тизими назариясини ишлаб чиққан, унга кўра барча инсонлар эҳтиёжларининг қондирилиш кетма-кетлиги бешта даража (поғона)га бўлиниши ва улар ўртасида босқичма-босқичлик мавжудлигини асослаб берган, яъни: физиологик эҳтиёжлар (озиқ-овқатлар, кийим-кечаклар, уй-жойлар), шахсий муҳофазага оид эҳтиёжлар (хавфсизлик, ҳимояланганлик), ижтимоий эҳтиёжлар (маълум бир ижтимоий гурухҳга мансублиги), ҳурматга, муҳаббатга бўлган эҳтиёжлар (ўз-ўзини эъзозлаш, хизматларни эътироф этиш, корхонада маълум бир статусни эгаллаш) ва, ниҳоят, шахсий камол топиш эҳтиёжлари (шахснинг ривожланиши ва ўзини кўрсата билиши, қобилиятини тўлиқ намойиш этиши). Юқоридагиларга асосан, инсон дастлаб физиологик эҳтиёжларни қондиришга интилади. Сўнгра эса, кейинги даражадаги эҳтиёжларни қондириш учун интилиш вужудга келади ва бу жараён узвий давом этаверади. Корхона раҳбарлари турли категориядаги истеъмолчилар хулқ-атворини таҳлил қилишда ушбу Маслоу мотивация назариясини амалиётда қўллаши мумкин.