M. A. Hamrayev d. A. Muhamedova d. X. Shodmonqulova

Nutq tovushlarining akustik belgisi - ularning balandligi, kuchi, miqdori, tembri kabi belgilaridir.
Nutq tovushlarining funksional(vazifaviy) belgisi - so`zlar ma'nolarini farqlash belgisidir.
Nutq tovushlarining birlashtiruvchi belgilari - bir-biriga qarama-qarshi qo`yilayotgan ikki nutq tovushining birlashtiruvchi belgilaridir: b va p tovushlarining birlashtiruvchi belgilari: b ham, p ham lab-lab tovushlaridir, b ham, p ham portlovchi tovushlardir,.
Nutq tovushlarining farqlovchi belgilari - bir-biriga qarama-qarshi qo`yilayotgan ikki nutq tovushining farqlovchi belgilaridir: b va p tovushlarining farqlovchi belgilari: b jarangli, p jarangsiz tovushdir.
Nutqiy faoliyat – so`zlovchi shaxs bilan tinglovchi shaxs o`rtasida tovush to`lqinlari yoki harflar yordamida axborot almashinish faoliyatidir.

O

Oddiy darajadagi sifatlar - bеlgi boshqa prеdmеtdagi xuddi shunday bеlgiga qiyoslanmaydigan sifatlar. Bu daraja bеlgining mе'yordagicha ekanligini ko`rsatadi va maxsus ko`rsatkichga (qo`shimchaga) ega emas: kеng ko`cha, yashil yaproq, yaxshi odam.
Ohang – nutq melodikasini, tembrini, tempini, ritmini, mantiqiy urg`uni o`z ichiga qamrab oluvchi murakkab majmudir.
Old qator unlilar - i, e, a tovushlari bo`lib, talaffuz paytida til old tomonga harakatlanadi.
Old qo`shimchalar (prefikslar) – asosdan oldin qo`shilib keladigan qo`shimchalardir:
bebaho, bahavo, serquyosh. Bunday qo`shimchalar asosan sifat turkumidagi so`zlarni hosil qiladi.
Olinma (o`zlashma) so`zlar - boshqa tillardan o`tgan so`zlardir: respublika, stol, pomidor.
Olmosh - ot, sifat, son, ravish, so`z birikmasi yoki gap o`rnida almashib kеladigan so`z turkumi: Hamma kеldi. Bizni tabriklang. Shu kitobni bеring.