Луғат. Тузувчилар: Абулқосимов Ҳ. П., Абулқосимов М.Ҳ

 Маржин 
- кема ташиш учун қабул қилган юкнинг энг кам 
миқдори билан кемани кирага олувчидан талаб қилинадиган 
денгиз транспорти ҳужжатларида кўзда тутилган миқдорда 
ташиш мумкин бўлган юк ўртасидаги фарқ. 
Марка белгиси 
- марканинг бир қисми бўлиб, талаффуз 
қилинмайди ва осон таниб олинадиган белги, расм шаклида 
бўлиши мумкин (масалан, «Женерал моторс» учун «GM» 
белгиси). Фирманинг номи, маркаси белгиси ўрнатилаган 
тартибда рўйхатдан ўтган, яъни ҳуқуқий ҳимояланган 
бўлсагина кучга киради. 
Марка номи 
- марканинг бир қисми бўлиб, талаффуз 
қилиш мумкин бўлган харф, сўз ёки уларнинг қўшилмаси 
тарзида ифодаланиши мумкин (масалан, «Мерседес-бенц», 
«Тип-топ»). 

---

- 225 - 
Марказий банк -
давлат идораси бўлиб, пул муомаласини, 
молия бозорлари ва институтларни йўлга солиш ва назорат 
қилиш билан шуғулланади. Ўзбекистон Республикасининг 
Марказий 
банкнинг 
ҳуқуқий 
мақоми, 
вазифалари, 
ваколатлари, ташкил этилиши ва фаолияти принциплари 
Ўзбекистон Республикасининг Конституцияси, “Ўзбекистон 
Республикасининг Марказий банки тўғрисида”ги қонуни 
ҳамда бошқа қонунлар билан белгиланади. Марказий банк 
юридик шахс ҳисобланади ва у давлатнинг мутлақ мулкидир. 
Марказий банк — ўз сарф-харажатларини ўзининг 
даромадлари ҳисобидан амалга оширувчи, иқтисодий 
жиҳатдан мустақил муассасадир. Марказий банкнинг мол-
мулки унинг пул ва бошқа моддий бойликларидан иборат 
бўлиб, уларнинг қиймати Марказий банк балансида акс 
эттирилади. Марказий банк ўз балансида акс эттирилган мол-
мулкка қонун ҳужжатларида белгиланган тартибда эгалик 
қилиш, улардан фойдаланиш ва уларни тасарруф қилишга 
ҳақли ҳисобланади. 
 
Марказий банкнинг банкларни қайта молиявий 
таъминлаши -
Марказий банк ўзи белгилаган шартларда 
банкларга кредит беришга ҳақли, бунда қуйидаги активлар 
гаровга қўйилиши мумкин: 1) олтин, чет эл валютаси, халқаро 
резервлар тоифасига кирувчи валюта бойликлари ва бошқа 
бойликлар; 2) давлат қарз мажбуриятлари ва ҳукумат 
кафолатлаган бошқа қарз воситалари; 3) Марказий банкда 
депозитга ўтказилган ва унинг депозитарийси учун мақбул 
бўлган, харид қилиниши ва сотилишига рухсат берилган ёки 
Марказий банк улар билан ушбу Қонун доирасида бошқа хил 
операциялар ўтказиши мумкин бўлган активлар; 4) 
тўланишига банклар кафолат берган тижорат векселлари. 
Марказий банк ўзининг қайта молиявий таъминлаш тизимида 
банкларнинг иштирок этиш шартларини эълон қилади.